LG Spirit 終於到港!無左 4G (變做 3G 雙卡)仲要價錢無平到
心水清的朋友應該會留意到呢部即將登陸香港的 LG Spirit 同已經係台灣上市的 LG Spirit LTE 有樣好緊要的分別,無錯!就係無左對 4G LTE 的支援啦!呢部缺少左 4G 之外係香港 LG Spirit 除左由 4G 換上 3G 雙卡之外,其實同台灣開賣的 LG Spirit LTE 規格分別不太大,屏幕方面擁有 4.7 吋 HD 解像度,但處理器就係採用 MTK 的 MT6582 1.3GHz 四核心處理器(同早前推出的 Sony Xperia E4 Dual 一樣)搭配 1GB RAM 同埋 8GB 內置容量(支援最高外接 32GB 記憶卡)。相機方面同樣係用返支援 Full HD 攝錄的 800 萬像素主相機與 100 萬像素前相機。電池方面一樣係 2100mAh 可換式電池以及預載 Android 5.0 系統。最後,呢部耐人尋味的 LG Spirit 將會係 3 月 28 號正式發售,建議售價係 $1398 ,比起台灣 4990 (約為 $1234 港幣)略貴。唔知大家又點睇呢部無左 4G 的 LG 入門機呢?不妨留言講講啦。在文章發佈時, LG Spirit 定價 $1398 ,按這裡有更詳細規格及最新報價。