▲近期有幾大批 DP2 派落旺角電腦中心,差唔多每間 DC 舖都有得賣。
這兩年 Sigma 出的兩部 DC-DP1 同 DP2,外形夠晒潮,而且機身輕便得來,卻用上 DSLR 級數感光元件,初出時的確引到唔少拍友談論。可惜 DP1 的「格調」實在太高,高到好多 DC 舖同電器舖都冇得賣,唔多唔少影響了銷情。三個月前 DP2 開售時,都有住同一問題,好彩近期它終於變得「親民」,王大文開始見它出現於一些較細的 DC 舖。
多了地方賣不特止,DC 舖仲齊齊減價幫 DP2 去貨,唔少暗地裏由原價 $5,680 劈到 $5,000 頭,旺電「N」字舖更加豪劈至 $4,980,店長基哥仲話唔怕代理炸型,叫王大文照登價錢!話晒跌穿了 $5,000 大關,之前覺得用高價買 DC 很不值得的人,心理障礙現在已被掃除,入手是時候啦。
查詢:
N Digital 旺角電腦中心 1 樓 115 號舖 電話 2384 4500
▲DP2,有人睇中它的拍攝質素,但更多人留意它,是因它有復古的靚仔外表。
▲星際城市「肥花」,都將 DP2 減到 $5,000 頭。