為攝影而狂! 官方封殺影片流出! 少年冒險攀金字塔頂拍照

左定坤 (Cho Ting Kwan) 2016-02-01 14:28 | 攝影作品分享
去旅行為拍攝、為感受外地文化,可以去到幾盡? 一名 18 歲的德國遊客,日前冒着生命危險,帶着相機攀上埃及吉薩大金字塔頂,目的是為左想感受埃及的文化。佢呢個舉動,的而且確係幾惹人注目,但當地有明文規定,係禁止遊客攀爬,換句話說,佢呢個舉動呢......其實係犯法的! 大家千祈唔好學呀!

//timgm.eprice.com.hk/hk/dc/img/2016-02/01/25524/prince1025_1_10_2c74e968dc478d23f9806668bcf3e83a.jpg

埃及吉薩金字塔群係由三個金字塔組成,其中最大的胡夫金字塔 (又稱「大金字塔」),有 4500 年歷史,同時亦係古代世界七大奇蹟中最古老並唯一尚存的建築物,難怪今次事件中叫 Andrej Ciesielski 的 18 歲德國遊客,死都要冒險登上呢座金字塔上啦! Ciesielski 聲稱佢只花左 8 分鐘時間爬上塔頂,過程中引來不少人的目光,並有當地警察用疑似阿拉伯文大喊叫佢落番黎,不過佢並沒有理會,繼續聽住歌爬上塔頂。落番黎之後,終被警察拘捕,後來經問話之後,再將佢釋放。



Ciesielski 呢個行為,其實屬於明知故犯,事關佢攀塔之前,已曾向其他當地人問過,如果攀塔的話,可能會被監禁三年。不過作為一個攝影發燒友,佢認為能夠登上世界七大奇蹟上拍攝,就算要坐監都係值得! 對於一般人來說,可能會覺得佢呢個舉動好傻。但如果你係攝影發燒友的話,你會唔會支持佢呢個做法呢?

來源:GIZMODO

最新新聞