大三元 平民價!騰龍 f/2.8 鏡皇即減 再回贈 平官價 $3,000

2014-12-01 19:26
唔知有冇網友好似版主咁樣,辛苦左成年想買禮物獎勵下自己,講到我最想收到既禮物,應該就係成套的「大三元」啦!不過 Canon 、 Nikon 原廠價分分鐘成個月糧都買唔起,大家又會唔會考慮一下較「平民」既選擇呢? Tamron 騰龍最近就推出一個優惠,買 A007 同埋 A009 兩支鏡頭有即減仲有現金回贈,平官價成 $3,000 你又點睇?

大三元 平民價!騰龍 f/2.8 鏡皇即減 再回贈 平官價 $3,000
 

騰龍大三元級鏡皇 有現金回贈!你會想入手嗎?

我諗鐘意攝影既網友,最終夢想都係集齊一套「大三元」(最好有埋小三元、各種定焦…喂!太貪心了),但如果一個普通打工仔要玩到萬幾蚊支鏡真係談何容易,可能就將目光放係「副廠」上面。最近 Tamron 將旗艦兩支「大三元」級既鏡皇做現金回贈, A007 同埋 A009 分別有 $1,000 和 $1,500 的回贈。

咁回贈完之後抵唔抵玩呢?版主同大家分析一下:首先係 Tamron A007 24-70 f/2.8 Di VC USD 這支標準恆定大光圈鏡頭,街價計埋回贈之後賣 $6,700,差唔多只係 Canon EF 24-70 f/2.8L II USM 或者 Nikon NIKKOR 24-70mm f/2.8G ED 一半價錢,佢仲要有 VR 防手震功能,可以做到最大五級的光學防震補償,對於機身沒有防震的 Canon / Nikon 機來說實在是一大恩物(亦有 Sony Monut 賣的,聽說貨量不多)。

至於「長炮」級數的 A009 Tamron 70-200 f/2.8 Di VC USD 減價+ 現金回贈後 用 $8,300 就可以入手,這個價錢大約只能買到「小三元」級數的 70-200 吧,對於拍攝動態的網友來說差一級光圈差異其實都幾大,加上佢可以裝 2x 增距鏡當做 140 - 400 f/5.6 恆定鏡用,想平價拍拍生態都係一個唔錯既選擇。

雖然 Tamron 官網話現金回贈需要拿單據、保養書上去做回贈,不過版主問過永成店員可以當做即減,有恆生信用卡的話更可以免息分期,大家又會唔會考慮入手其中一支,好好獎勵自己呢?

大三元 平民價!騰龍 f/2.8 鏡皇即減 再回贈 平官價 $3,000
▲ Tamron A009 官方定價 $11,400 ,而減完再回贈賣 $8,300 就有交易,係同級入面算係平既一支鏡頭,仲有五年保養!

大三元 平民價!騰龍 f/2.8 鏡皇即減 再回贈 平官價 $3,000
▲版主再望一望 Canon 的 EF 70-200 f/2.8 IS USM ,差價幾乎一倍


大三元 平民價!騰龍 f/2.8 鏡皇即減 再回贈 平官價 $3,000