Olympus 五軸防震文青 DC 大鋪清貨兩千有找!
版主之前係 Olympus 發佈會玩到 OM-D EM5 II 都感受到佢地五軸防震有幾強大,但未必人人都有咁多預算去買機吧?如果想平玩五軸防震有咩選擇?大家可以考慮一下 Olympus 的 DC Stylus SH-1 ,它採用 1/2.3 吋感光元件,有效像素是 1600 萬像素,鏡頭方面是 25-600mm f/3-f/6.9 的 24 倍光學變焦鏡頭,亦有著 Olympus 自家的五軸防震技術,拍片支援到 1080p/60fps 的水準,而它亦是可以用 Wi-Fi 過相,可惜 3 吋屏幕只有 46 萬像素…這部相機採用類似 Pen 系列的復古設計也是一個大賣點啊。版主留意到百老匯正在進行清貨優惠,用恆生信用卡入手的話價錢是 $1,998 ,如果沒有信用卡的話會就賣 $2,880 ,就不算一個划算的價錢了。版主都嘗試去街鋪問過 Olympus DC Stylus SH-1 的價錢,在深水埗問到最平賣 $2,280 ,亦跟大鋪的清貨優惠差不多,算是平玩五軸防震的一個選擇。
▲百老匯的清貨優惠價賣 $1,998 ,還算不錯吧?
自拍神機 Casio EX-ZR1500 一樣賣 $2,000!勝在有反芒+美顏!
論 Casio 既自拍手機,一定係 TR 系列最為出名,不過其實 EX-ZR 系列價錢跌得夠快,聽說唔少 Beauty Blogger 都會買黎做後備機。今次版主留意到 Casio EX-ZR1500 係星際的細鋪賣緊 $1,980,呢部機同樣係用 1/2.3 吋感光元件,有效像素 1600 萬,鏡頭方面是是等效 24mm-300 mm 的 25 倍變焦鏡頭,加上有 1CM 微距所以影食物都好方便,它的 3 吋 92 萬像素屏幕可以 90 度翻轉自拍當然是最大賣點,內置的 12 級美顏+ 12 級美白玩過都知道有幾厲害。關於這部機的試玩,亦可以參考這篇文章。▲Casio EXILIM EX-ZR1500 聽說有不少 Blogger 使用,在預算有限之下拍美顏/自拍都係唔錯選擇
▲除左上面兩部之外, Canon 的 PowerShot S120 都跌到 $2,000 樓下,機款較舊但有較大的感光元件,網友們都可以考慮下。