【有原片】華為停止合作? Leica 新廣告重現 1989 年天安門場景

2019-04-19 09:13
文章分享
不得了,德國相機、鏡頭歷史名廠 Leica 做咗一件係中國大陸應該係「關公災難」級的舉動! 最新廣告「The Hunt」竟然重現北京 1989 年天安門的場景,著名的「坦克人」都出現! 立刻睇睇原片!

【有原片】華為停止合作? Leica 新廣告重現 1989 年天安門場景

其實,Leica 的廣告一向水準都非常高,過往都多次獲得獎項殊榮。今次「The Hunt」呢個廣告係 F/Nazca Saatchi & Saatchi 製作,母公司 Saatchi & Saatchi 盛世廣告亦專門做高格調品牌,香港分公司客戶包括最大的銀行、最大的汽車品牌、甚至香港政府部門! 廣告公司 Youtube 原片已顯示已刪除,所以只能比第三方 LINK 各位睇,請點擊這裡觀看(如失效請報告,會有後備片)。



長達 5 分鐘的廣告到底想講咩呢? 根據 Adsoftheworld 介紹(內文原片已被刪除),明確地指出「The Hunt」透過重現 1989 年天安門廣場的民眾抗議行動,也穿插著其他世界各地的黑暗面,從戰爭到殘酷的野外,用片中的多個角色嘗試表達出當時這些角色在真實環境所展示的勇氣。有份參與導演工作的 Kid Burro 更指出,本片難得地擁有這麼大的創作空間。用了超過一年的時間,去研究不同攝影師的歷史故事,包括當中他們曾經遇到的困難,如何克服並成就各種歷史經典照片。

【有原片】華為停止合作? Leica 新廣告重現 1989 年天安門場景
▲ 寫明發生的時與地。1989 年,北京,但無寫明月份。

【有原片】華為停止合作? Leica 新廣告重現 1989 年天安門場景
▲ 你感覺到什麼?有無回憶?後生的一代,上堂老師有無教過你?

【有原片】華為停止合作? Leica 新廣告重現 1989 年天安門場景
▲ 華人演員,扮演什麼?似軍人喎。

【有原片】華為停止合作? Leica 新廣告重現 1989 年天安門場景
▲這是。。。。。中華人民共和國的。。。。

【有原片】華為停止合作? Leica 新廣告重現 1989 年天安門場景
▲ 坦克車驚現係廣告片中,不過縮在主角鏡頭之內。

華為手機近年最出名的舉動係獲得 Leica 的貼牌授權,合作推出 P 系列的手機,以超高畫質聞名於世。 唔知係有意無意的巧合,P30 系列推出後,竟然 Leica 隨後就發布呢段廣告。屈指一算 2019 - 1989 正好是 30 年,Leica 以此當年北京發生的事件作主題。 撇開大陸敏感的政治、慘劇議題,Leica 廣告的質素依然高、不論是鏡頭取景、節奏控制,你都會以為係電影預告而唔係一條商業廣告片。

但向來重視名譽的華為,到底會點樣回應 Leica 呢條廣告呢? 據了解大陸已全面封殺呢條廣告片,咁海外市場呢? 華為會唔會口講唔受中國政府影響,但其實已嬲嬲 Pig?老實一句,Leica 都唔係以「打月」做賣點,最近仲有中國大陸達人用華為手機影星河,本身都咁勁,華為有無 Leica 加持都唔係問題啦,係咪先!今次事件,又會否令後續合作的關係受到影響? 各位網友不妨拭目而待。

後續跟進:峰迴路轉! Leica 急澄清:「The Hunt」並非官方認可的廣告
文章分享
您可能也喜歡▼