九千有找玩 Full Frame! Sony A7 場內全新、二手價都跌!

2014-12-12 18:36
有五軸防震的 Sony A7 II 賣價 $12,990 有冇吸引到你呢?有朋友覺得就算比起上一代定價貴 $1,000 ,但加入五軸防震實用起比上一代強得多,其實性價比都好高啊!不過版主 Eddie 呢類人好少買新機,原因都係預算永遠都唔夠,所以都係留意番上一代 Sony A7 跌價幾多啦,行場見到二手價最平 $7,000 有找,就算係新的 Kit Set 都係 $10,000 樓下,性價比夠唔夠高?

九千有找玩 Full Frame! Sony A7 場內全新、二手價都跌!
 

Sony A7 一代場內二手價跌!Body 七千有找你買唔買?

上次同大家講過 Sony A7 街價已經 $10,000 有找,在 Sony A7 II 發佈之後價錢稍為跌了一點,最平 $9,400 ~ $9,500 就買得到 Kit-Set 啦,比較貴的鋪仍然賣過 $10,000 ,不過大家都覺得性價比很高吧icon。版主 Eddie 反而留意二手市場,聽講最近都多放售 A7 一代換機,難道五軸防震真係咁吸引?而家係星際 A7 機身的二手價大約 $6,800 ~ $7,300 ,就算是連 28-70 Kit-Set 都係賣大約 $8,500 ~ $8,800 ,九千有找玩 Full Frame 幫唔幫到大家完夢?

而 Sony A7 II 亦都正式在香港開賣,錯過了預訂期的網友就沒有 Sony 原裝的 64GB 卡與電池套裝,不過版主行場某些連鎖店用正價買也會送 32GB 卡與原裝電池。而高一階的 Sony A7R 場內機身價錢仍然高企在 $13,500 ,不過應該唔少網友都係等緊二代目吧,畢竟大家都喜歡五軸防震啊!網友們又會唔會趁平去收部 Sony A7 黎玩呢?留言講講吧!

九千有找玩 Full Frame! Sony A7 場內全新、二手價都跌!
▲版主行過相機鋪, A7 全新機「行貨」Kit 賣 $9,500 ~ $10,200 左右,差價有幾百

九千有找玩 Full Frame! Sony A7 場內全新、二手價都跌!
▲版主都留意到 A7R 場內「全新」價賣 $13,500 左右(Body) ,高像素加無低通濾鏡係Sharp 好多,不過買佢可能連電腦都要換埋icon

在文章發佈的時侯, Sony A7 官方定價 $10,990 ,按此看詳細規格和最新賣價。
在文章發佈的時侯, Sony A7R 官方定價 $16,490 ,按此看詳細規格和最新賣價。
在文章發佈的時侯, Sony A7 II 官方定價 $12,990 ,按此看詳細規格和最新賣價。