超高像素 Sony 鬥 Canon! 5000 萬像素全片幅 A7R II 即將來臨?

2015-01-29 16:54
早兩日同大家講過 Canon 好可能會係 2 月 6 號發佈 50MP 超高解像度的旗艦相機,不過似乎 5000 萬像素唔會係獨家,因為根據 SonyAlphaRumors 所得到的可靠消息指出,Sony 將會在近期發表 A7RII,而且將會搭載高達 5000 萬像素的全片幅感光元件!似乎像素大戰又要開始啦,你會撐邊一邊?

超高像素 Sony 鬥 Canon!  5000 萬像素全片幅 A7R II 即將來臨?
 

像素戰爭又要開始!Sony A7RII 會有 5000 萬像素感光元件?

傳聞中 5Ds 會有 5300 萬像素算唔算誇張?版主就覺得相當誇張啦,而家 Load 2000 萬像素相片都未必夠力既電腦真係要換一套先夠力執相,而 SonyAlphaRumors 表示 A7RII 即將發表、搭載 5000 萬像素感光元件是 99% 高度可信,很可惜仍然未知道發佈的時間!基本上 A7R 的 3600 萬像素就已經很高了,進化到 5000 萬像素之後不知道拍出來的照片解像度會有幾驚人。另外,唔知呢個咁高解像度既全片幅感光元件可唔可以一次過「解放」晒蔡頭既威力呢?

順帶一提,就快到 2 月會有一個相機大展 CP+ ,當然會有唔少新產品即將推出,眼見相機市場又有一批新產品推出,如果 Canon 同埋 Sony 同樣推出 5000 萬像素以上的相機,大家會撐邊邊呢?留言講講吧!

超高像素 Sony 鬥 Canon!  5000 萬像素全片幅 A7R II 即將來臨?
▲ 24-70 蔡斯鏡配合 A7R 一代,有朋友見到的是畫質,版主見到的是定價icon

 SonyAlphaRumors