新手留意!20MP 級單反賣 $3,000 你揀 Canon 、Nikon 定 Sony ?

2015-02-12 17:49
新年大家有冇打算去旅行?就算冇,有幾日假期去行下山都得掛。想當年版主 Eddie 都係因為行山所以鐘意左攝影,不過當年係儲左好耐錢先買到自己第一部單反 Canon 500D,而家入門攝影又有無反又有可以選 PSAM 既 DC ,真係方便好多。近排我就留意到單反已經賣到 $3,000 有找,想入門學攝影就要黎睇睇啦!

新手留意!20MP 級單反賣 $3,000 你揀 Canon 、Nikon 定 Sony ?
 

入門級單反三千有找!Sony 、Nikon 、Canon 你點揀?

入門級單反可以做到 $3,000 有找?你冇睇錯,版主都冇講錯!講緊既係 Sony 舊一代既 SLT-A58 ,雖然版主都見到因為 E-Mount 的 A5100 、A6000 、A7 發展得很好,但其實 A-Mount 系列有齊的鏡頭,也是一個很完整的生態系統(但之後會唔會漸漸淡出市場…?)。講起 Sony SLT-A58 呢部機,佢係採用半透光反鏡設計,所以觀景窗是 EVF (電子式)而不是 OVF(光學式),相機採用 APS-C 片幅的 2010 萬像素感光元件,亦採用了 Sony 自家的 Exmor CMOS ,最高感光度可以達到 ISO16000 ,相機有 15 點對焦點,當中有 3 點是十字式,雖然是入門級,不過也支援到 8fps 的高速連拍。

版主行星際的時侯,見到有鋪用「現金價」 $2,890 去賣 Sony SLT-A58 ,這個價錢可以入手單反算是不錯的價錢吧?其實版主留意到百老匯亦有做接近的價錢,賣 $2,998 亦只限匯豐卡會員,不過勝在可以分期,兩個方案各有優勢。

其實版主都有問過其他的入門級單反價錢,例如 Canon 100D 細鋪最便宜價錢都要 $3,580 ,反而高一階(也是版主 Eddie 正在用的) 700D 細鋪平價約 $4,000 ,似乎更吸引啊;至於 Nikon 方面 D3300 的確夠平賣 $3,500 左右;但問到幾間鋪都話冇貨;高一級又支援 Wi-Fi 的 Nikon D5300 細鋪賣 $4,500 左右大家又覺得點呢?留言講講吧

新手留意!20MP 級單反賣 $3,000 你揀 Canon 、Nikon 定 Sony ?
▲現時星際有鋪賣 Sony SLT-A58 價錢是 $2,890 ,亦會送一張 16GB 卡,划算吧?

新手留意!20MP 級單反賣 $3,000 你揀 Canon 、Nikon 定 Sony ?