$2,780 窮人入門恩物!APS-C 單反 Sony、Nikon 鬥 Canon!

2015-05-07 17:43
自從有無反之後,單反好似就愈來愈少人用,不過你問版主單反係咪真係冇價值?我就覺得單係 Canon 、Nikon 有完整的鏡頭選擇(不是指無反不夠),如果有一部平價單反入門學影相真係唔差,要搵平貨當然就係要行場慢慢格價啦!版主今次搵到最平既 Kit Set 賣 $2,780 ,但得番最後兩、三套,有買趁手啦各位!

 $2,780 窮人入門恩物!APS-C 單反 Sony、Nikon 鬥 Canon!
 

Nikon D3200 清貨價 $2,780 有 Kit-Set!入門單反你又點揀?

Canon 定 Nikon ? 呢個問題係唔少人入門既時侯都會問過,版主當年買第一部相機,其實都係以「價錢先決」,事關慳番既錢隨時可以買多支鏡頭丫麻,而版主發現到舊一代既單反其實都做緊清貨減價,最平 $2,780 有交易的,就係 2012 年推出的 Nikon D3200 ,這部入門單反採用的是 24MP 解像度 APS-C 片幅感光元件,處理器是舊世代的 Expeed 3 影像處理引擎,可用 ISO 由 ISO100 ~ ISO 6400 ,甚至可以延伸到 ISO 12800 ,對焦點有 11 點,支援最高 4fps 連拍,屏幕是 3 吋的 92 萬像素,內置電池大約有 540 張的續航力,這樣入門級的機種當然就沒有機身馬達,但如果不是玩舊機都應該夠啦,現時在星際清貨就買到,不過貨量唔多啊!

如果在 $3,000 以下的另一個選擇就是 Sony SLT-A58 ,因為半透光反鏡設計,所以觀景窗是 EVF (電子式),相機採用 APS-C 片幅的 2010 萬像素感光元件,最高感光度可掛 ISO16000 ,相機有 15 點對焦點,當中有 3 點是十字式,也支援到 8fps 的高速連拍,機身屏幕是 2.7 吋的 46 萬像素是差一點點的,現時賣 $2,890 也是在 $3,000 樓下,仲會送一張 Micro-SD 卡,同樣在星際就可以找得到了。

如果大家覺得兩部相機款式太舊,又會唔會考慮 2013 年推出既 Canon 700D 呢?它採用 APS-C 片幅 18MP 感光元件,採用的是  DIGIC 5 處理器 所以基本已經有 ISO12800 的選項,它有 9 點對焦點而全部都是十字對焦,63 區測光,屏幕是 3 吋的 104 像素翻轉式,亦做到 5fps 連拍,因為它是  Hybrid CMOS 混合對焦系統,所以 Live View 對焦會比較快,但價錢就比較貴,星際找到最平都要 $3,600 左右,差價都不算少啊!

下面就有三部相機的規格比拼,可以參考完再講自大家會鐘意邊部啊!


 $2,780 窮人入門恩物!APS-C 單反 Sony、Nikon 鬥 Canon!
▲上次同大家講既 Sony SLT-A58 都係做緊 $2,890 ,呢部機就有 20MP ,亦會送多張 Class 10 Micro-SD 卡

 $2,780 窮人入門恩物!APS-C 單反 Sony、Nikon 鬥 Canon!