Sony A-mount 相機「已死」,還是繼續推新機? 你希望呢?

2015-10-19 17:01
好多人都期待 Sony 繼續推出 A-mount 相機,喺 9 月嘅時候有位外國網友向 Sony UK Facebook 專頁發問:「好似近呢幾年愈來愈少 A-mount 相機推出,而且無左推出新鏡頭,唔知係唔係唔再推出 A-mount 相機呢?」Sony 幾日前回應左,話 Sony 並沒有推出 A-mount 相機嘅打算,並建議佢考慮 E-mount 相機。Sony 呢個回應令唔少人好失望,成為部份人嘅討論話題。唔通 Sony A-mount 相機真的已死?

Sony A-mount 相機「已死」,還是繼續推新機? 你希望呢?

但過左幾日之後,有外國傳媒報導,Sony 好大機會會喺 11 月初發佈一部全新嘅 A-mount 相機,而 SonyAlphaRumors 網站又將呢個消息可信級別列為 SR4(意思是這個消息來自著名、可靠嘅來源),咁版主就好好奇,點解 15 號 Sony 先喺 Facebook 上回應完話唔會推出新 A-mount 相機,之後就有消息指話 Sony 會喺 11 月初出新機,到底係咩原因呢? 係 Sony 有意想隱瞞大眾,想俾大家一個「驚喜」? 還是知道大家想繼續推 A-mount 相機,所以順應民意? 抑或......唔知大家仲諗唔諗到有咩原因呢? 留言講下你嘅睇法啦!

Sony A-mount 相機「已死」,還是繼續推新機? 你希望呢?
▲ Sony UK 於 10 月 15 日對網友的回應。

來源:SonyAlphaRumors | PhotoRumors | Sony UK Facebook