Sony A7 II 推韌體更新! 非壓縮 RAW 格式 + 更快對焦!

2015-11-06 13:57
Sony A7 II 喺香港推出已經接近一年了,如果你係用緊 Sony A7 II 嘅話,咁你就要注意以下嘅消息,因為呢個消息可能會為你帶來更好的拍攝享受。最近 Sony 宣佈,將會為 A7 II 全片幅相機免費提供韌體升級,而呢項升級將於 11 月 18 日起可以下載。到底呢項升級帶來咩野改變呢? 版主而家就同大家分享一下。

Sony A7 II 推韌體更新! 非壓縮 RAW 格式 + 更快對焦!

繼 Sony 全片幅相機 A7S II 、A7R II 以及 Cyber-shot RX1R II 之後,Sony 再增加左一部可以使用非壓縮 14-bit RAW 照片格式的相機型號,呢部就係經過今次更新後脫胎換骨嘅 Sony A7 II。只要你將你部 Sony A7 II 嘅韌體升級至最新版本,你就可以在選單中選擇壓縮或者非壓縮 RAW 的功能。

另外,Sony 表示只要將韌體更新到 2.0 版本之後,就會啟動 A7 II 相機的 117 點相位偵測自動對焦感應器,配合包括 Sony A-mount 系統的可換式鏡頭,能夠帶來更快速準確的自動對焦。而呢項更新將於 11 月 18 日在 Sony 網站 (ILCE-7M2 型號) 供免費下載。

值得一提的是,Sony A7 II 計劃明年將 A-mount 鏡頭系列中的全片幅鏡頭由現時的 13 款擴展至 20 款不同型號,到時會有更多全片幅鏡頭供你選擇。唔知大家對於今次 A7 II 嘅韌體更新滿唔滿意呢?

在文章發佈的時侯, Sony A7 II 定價 $12,990 (淨機身),按此看詳細規格和最新賣價。