更大光圈+25倍長炮+1吋感光! Sony RX10 III 抵港,價錢合理?

2016-04-26 01:06
講到遠攝能力強的數碼相機,前幾日做緊限時優惠的 Kodak AZ651,夠勁了吧? 又有二千萬像素,又有 65 倍光學變焦,淨睇 specs 的話真係幾屈機! Sony 早前發表的 RX10 III,同樣具備強大的遠攝能力,雖然無 AZ651 Zoom 得咁遠,但拍攝表現絕對比佢出色,而呢部 RX10 III 今日終於正式抵港,價錢係點? 一齊睇睇!

更大光圈+25倍長炮+1吋感光! Sony RX10 III 抵港,價錢合理?

Sony RX10 III 的建議零售價為 $11990,於 4 月 26 日至 5 月 2 日公開預售,並於 5 月初發售。同上代最明顯的不同之處,有兩點:第一,RX10 III 明顯比上代重好多,上代雖然都唔輕,有 813g,但相比今代的 1.05kg,真的是小巫見大巫。第二,其實係解釋番點解 RX10 III 會重左咁多,表面看來 RX10 III 繼承了上代的設計風格,但它今次用上了擁有 25 倍變焦 (相對焦距 24-600mm) 的 Zeiss Vario-Sonnar T* 鏡頭,變左支長炮,重量當然是有增長吧!

更大光圈+25倍長炮+1吋感光! Sony RX10 III 抵港,價錢合理?

Sony RX10 III 配備了 2010 萬像素鏡頭,跟上代不相伯仲,不過光圈比上代更大,最大光圈值為 f/2.4,並支持光學防震。RX10 III 的蔡司鏡頭首次採用了三環設計,包括對焦、變焦、光圈,方便操控。跟上代一樣的是,Sony RX10 III 同樣採用了 1 吋 Exmor RS CMOS 層疊式感光元件結合背照式 DRAM 芯片,配備了 BIONZ X 影像處理器,感光度範圍為 ISO 64 - ISO 12800,具有每秒 14 張的連拍速度,在防手震模式下最高快門速度有 1/32000 秒,並且支持 40 倍 (960fps) 超慢動作拍攝功能。另外,RX10 III 亦能夠拍攝 4K 高清影片。

更大光圈+25倍長炮+1吋感光! Sony RX10 III 抵港,價錢合理?

也許有網友認為,Sony RX10 III 呢個價實在不值,覺得同是具備 1 吋感光元件、25 倍變焦的 Canon G3X,都不用六千。不過正如某網友的回覆,RX10 III 光圈大啲,又有 4K 拍攝,好難真係做到好似 G3X 咁平。大家點睇呢?