溝埋 A9 & A7R III 做「瀨尿牛丸」!平價全片幅無反 Sony A7 III 抵港

2018-03-16 19:54
Sony 全片幅無反相機系列,一向都深受不少網友歡迎,就連版主都對佢哋嘅無反相機感興趣。可惜,幾有興趣都無用,因為一向 Sony 旗艦級的相機,一點也不便宜,好似之前超快速、有 693 個對焦點的 Sony A9 咁,淨係機身都要成三萬幾,網友都話:哪有錢.jpg。而上年推出果部 A7R III,唔單止續航比舊代提升咗兩倍,而且拍出來的成像細緻度相當高,但淨機身都仲係要二萬七,仍然係我的預算之外。今日,Sony 就再在香港發表一部平價版的旗艦機 - A7 III,無左個 R 但就結合咗 A7R III 同 A9 的特點,而且定價比起 A9 平一倍!你會考慮嗎?

溝埋 A9 & A7R III 做「瀨尿牛丸」!平價全片幅無反 Sony A7 III 抵港

呢部最新發表的全片幅無反相機 A7 III,結合了 A9 的快速對焦以及 A7R III 的清晰成像,Sony 在發佈會上引用周星馳電影《食神》裡的一句對白:爭咩呀,溝埋一齊做瀨尿牛丸吖笨!到底兩部咁勁的無反相機,溝埋一齊的「瀨尿牛丸」會賣幾錢呢?以為 1 + 1 一定等於 2,Sony 用 A7 III 話你知,可以等於 0.5!A7 III 全片幅可換鏡頭數碼相機淨機身建議零售價為 $17490,而如果連埋 SEL2870 鏡頭套裝,建議零售價亦只需 $18990。而買機再加 $290,更可以加購額外一年 Premium Services 星級服務。
 


至於預售又有乜優惠呢?

由即日起至 3 月 25 日,於 Sony Store 專門店、Sony Store 網上專門店、Sony 銷售熱線及特約零售商預購 A7 III,更可得到 Sony 專用充電池 NP-FZ100 一枚、專用外影袋以及 M 系列 64GB 高速記憶卡一張。

溝埋 A9 & A7R III 做「瀨尿牛丸」!平價全片幅無反 Sony A7 III 抵港

Sony A7 III 配備了全新 2420 萬像素背照式 Exmor R CMOS 影像處理器以及前端 LSI 晶片,同時採用升級版 BIONZ X 處理器,影像處理速度相比上代 A7 II 提升約 1.8 倍。另外,A7 III 無論在靜音抑或連拍模式下,都可以輸出 14 bit RAW 格式,配合 5 軸光學影像穩定技術,能夠做到 5 級快門速度補償。跟上代 A7 II 相比,A7 III 的自動對焦效能大幅進步,包括增加 4D FOCUS 功能,並具有 425 個對比檢測自動對焦點,以及承傳 A9 的 693 點焦平面相位檢測自動對焦系統,覆蓋高達約 93% 影像範圍。

值得一提的是,A7 III 亦具備了眼控對焦功能,即使在 AF-C 模式下亦可使用,就算拍攝主體正在轉動、俯視或在面前有遮撐物的情況下,亦能夠做到輕鬆對焦。另外,A7 III 配備全新的影像處理系統,能夠以高達 10 fps 速度拍攝全像素像,配合準確 AF / AE 追蹤功能,可以連續拍攝 177 個標準 JPEG 檔、89 個壓縮檔或 40 個未經壓縮的 RAW 檔。

溝埋 A9 & A7R III 做「瀨尿牛丸」!平價全片幅無反 Sony A7 III 抵港

溝埋 A9 & A7R III 做「瀨尿牛丸」!平價全片幅無反 Sony A7 III 抵港

溝埋 A9 & A7R III 做「瀨尿牛丸」!平價全片幅無反 Sony A7 III 抵港

溝埋 A9 & A7R III 做「瀨尿牛丸」!平價全片幅無反 Sony A7 III 抵港

溝埋 A9 & A7R III 做「瀨尿牛丸」!平價全片幅無反 Sony A7 III 抵港

溝埋 A9 & A7R III 做「瀨尿牛丸」!平價全片幅無反 Sony A7 III 抵港
 


Sony A7 III 無反相機特點

- 全片幅 2420 萬像素背照式 2420 萬像素背照式 Exmor R CMOS 影像感測器
- ISO 範圍 100 - 51200 ( 靜態影像可擴展到 ISO 50 - 204800),在低感光度拍攝設定下動態範圍可達 15 級
- 具有 693 個相位檢測自動對焦點,覆蓋 93% 影像區域,當中有 425 個對比檢測自動對焦點及眼控對焦功能
- 在機械快門或靜音模式下,可以 10 fps 速度作連續自動追焦測光拍攝
- 機身內置 5 軸光學影像穩定器,並提供 5.0 級快門速度補償
- 拍攝高像素 4K 影片時支援無像素合併全像素讀出,無減全片幅感光器的像素
- 每次充電足以拍攝 710 幅照片
- 升級操作包括添加調整對焦點的操縱桿、雙 SD 卡插槽、SuperSpeed USB(USB 3.1 第一代)USB Type-C™端子