Fujifilm 三機抵港!最平七千有找,平玩支持 4K APS-C 相機?

2017-02-24 13:42
影相其實真係好好玩,版主放假有精力的話,間唔中都會出去,影下靚相。當然,真正玩影相嘅,一定要付出唔少錢,買一部專業啲嘅相機,閒閒地都講緊幾萬蚊,已經係版主幾個月嘅人工。但正正因為無錢,所以更會多留意相對較便宜的入門級相機。今日 Fujifilm 在香港正式發表了三部新機,包括 GFX 50S、X100F 以及 X-T20,當中的 GFX 50S 真係掂都唔敢掂,對真正影相嘅黎講可能唔貴,對我黎講就係天價。反而另外兩部我就略有興趣,即刻睇下呢幾部機有乜特別啦!

Fujifilm 三機抵港!最平七千有找,平玩支持 4K APS-C 相機?

中片幅相機 Fujifilm GFX 50S
講左價錢先,Fujifilm GFX 50S 淨機身香港建議零售價為 $50999,呢個價真係完全唔啱我心水。當然我明白,佢賣得呢個價錢,一定係有番咁上下份量,佢話哂都係哈蘇之後又一無反光鏡設計的中片幅相機,價錢已經叫做「平左」,但無錢就係無錢,無辦法嘅~XD 入番正題,GFX 50S 採用 Fujifilm G mount 鏡頭,配備了 5140 萬像素感光元件,比 35mm 全片幅元件大 1.7 倍,內置感應器清潔系統,最高能夠錄製解像度為 8256 x 6192 的影片。ISO 值範圍 100-12800,最高可擴至 102400。呢款 GFX 50S 其中一個特色,就係電子觀景窗係需要另外插落熱靴度,而外置的電子觀景窗上,另外亦都有熱靴,而呢個設計,應該係同佢個可翻轉嘅 LCD 屏幕有關。

Fujifilm 三機抵港!最平七千有找,平玩支持 4K APS-C 相機?

Fujifilm APS-C X-T20
Fujifilm 的 X-T 系列,同樣都係屬於旗艦的級別,而價錢上相比 GFX 50S 親民得多。先講左 X-T20 的香港建議零售價,淨機身 $6999,呢個價錢唔難接受,但可以換到咩享受呢?事實上,X-T20 可以話係 X-T2 的簡化版,相比 X-T2 更輕巧,亦都相對更平。X-T20 在設計上跟上代 X-T10 變化不大,採用了 X-T2 上的 2430 萬像素感光元件以及 325 點對焦系統,並支援 4K 影片拍攝,而且在低光環境下亦表現出色,在 ISO 3200 的情況下依然保持細膩的畫質。在運動模式下,連拍速度可支持每秒 8 張。

Fujifilm 三機抵港!最平七千有找,平玩支持 4K APS-C 相機?

Fujifilm APS-C X100F
同 X-T20 一樣,設計上都比較傾向復古造型,不過價錢上就略貴一點,香港建議零售價為 $10199。X100F 配備了 2430 萬像素感光元件,採用了 X-Processor Pro 圖像處理器,支持相位 + 反差混合式自動對焦系統,並具有 325 點對焦點,最高可連續拍攝每秒 8 張的相片,並可錄製 1080p 60fps 影片。基本感光度範圍有 ISO 200 - ISO 12800,最高可擴至 ISO 51200。另外,X100F 具有 3 吋 104 萬像素顯示屏,並擁有 0.48 吋約 100% 236 萬像素 OLED 0.5 倍光學觀景器。

Fujifilm 三機抵港!最平七千有找,平玩支持 4K APS-C 相機?