Nikon D5 高速連拍有幾快? 版主上手評測試俾你知!

2016-03-08 17:59
之前曾經同大家講過,Nikon 將會在 2016 年推出一系列的相機產品,除左之前同大家介紹過的數碼機仔 A10、A100 之外,仲有一部絕對不能忽視的「真‧旗艦」單鏡反光相機 D5。D5 在 CES 2016 大展上首次亮相,而今日 (8/3) 終於正式在香港發表,雖然上市日期未定 (日本 Nikon 指 D5 將於 2016 年 3 月 26 日正式開售,估計香港都差不多這個時候),不過香港的售價已經知道,唔知大家覺得值唔值呢個價呢? 為左讓大家更深入認識呢部 Nikon D5,版主今日就上手呢部 D5,從外型、上手感、連拍方面進行評測。

Nikon D5 高速連拍有幾快? 版主上手評測試俾你知!

兩個雙記憶卡版本,上手感比較重
雖然說 Nikon D5 是 D4s 的後繼機款,不過版主可以告訴大家,D5 與 D4s 之間是兩個完全不同的概念。據 Nikon 官方稱,D5 是 Nikon 有史以來最強的相機型號,特別在其對焦、感光度以及連拍方面。有關連拍,版主稍後會示範俾大家睇,而家就先講下呢部 D5 的外型以及上手感。初初拎起呢部 D5 的時候,版主對呢部 D5 的第一印象是:好重、好墜手。D5 的機身尺寸約 160 x 158.5 x 92 mm,淨機身重量為 1235g,呢個重量如果對於男士來說不算甚麼,但如果是女士用的話,就會相對比較吃力。

Nikon D5 具有雙記憶卡插槽,一共有兩個版本,分別為雙 XQD 卡以及雙 CF 卡。版主今日上手試的是雙 CF 記憶卡版本,作為一部專業級的單鏡反光相機,我們可以看到 D5 的機身上擁有很多按鍵,比較複雜,並不太適合初學者使用。D5 具備 3.2 吋 235.9 萬點高解像度 LCD 觸控屏,而且系統內置虛擬鍵盤,方便打字。你可能會問,一部相機做乜無啦啦要打字呢? 並其實之所以要打字,係因為你可以自訂相片檔案名稱等等,例如預設的相片名稱是 DSC_XXXX,你可以自行修改為 D5_XXXX 之類。

Nikon D5 高速連拍有幾快? 版主上手評測試俾你知!
▲ Nikon D5 的正面圖,你可以見到個外型望落都幾「大舊」,機身偏長。要注意的是,Nikon 職員表示 D5 本身係唔跟鏡頭的,所以你可以自行選購適合自己的鏡頭,以上呢個鏡頭只係 for Demo。

Nikon D5 高速連拍有幾快? 版主上手評測試俾你知!
▲ 從正面來看,D5 的右邊會有一個「握位」,讓拎上手時更穩陣,而且更舒服。

Nikon D5 高速連拍有幾快? 版主上手評測試俾你知!
▲ 相機的上方,我們可以看到有開關、快門、ISO、錄影等功能按鍵。

Nikon D5 高速連拍有幾快? 版主上手評測試俾你知!
▲ 我們亦可以按個人需要,設定拍攝模式、曝光包圍等功能。

Nikon D5 高速連拍有幾快? 版主上手評測試俾你知!
▲ D5 同時亦具有熱靴,能夠裝上外置收音咪、外置閃光燈等配件。值得注意的是,D5 並沒有內置閃光燈。

Nikon D5 高速連拍有幾快? 版主上手評測試俾你知!
▲ 由於 D5 是一部專業級的單鏡反光相機,所以在機身上我們可以看到有很多複雜的按鍵,如 AF-ON、MENU、縮放等等。

Nikon D5 高速連拍有幾快? 版主上手評測試俾你知!
▲ 你可以見到有個位置係可以揭開,揭開之後會見到入面有個按鍵,你估下係乜野按鍵黎?

Nikon D5 高速連拍有幾快? 版主上手評測試俾你知!
▲ 答案就係,當你按下果個按鍵之後,就能夠打開雙記憶卡插槽。

Nikon D5 高速連拍有幾快? 版主上手評測試俾你知!
▲ D5 的側面會有 Mic 孔以及 USB 插槽,並支援 HDMI 輸出。(咁最底果個係乜黎架呢?)

Nikon D5 高速連拍有幾快? 版主上手評測試俾你知!
▲ 果個其實係一個鎖黎,只要你向左轉,就能夠打開電池部份。

Nikon D5 高速連拍有幾快? 版主上手評測試俾你知!
▲ D5 同上一代 D4s 一樣,同樣使用 EN-EL18a 鋰電池,雖然用緊同一舊電,不過 Nikon 表示,相片的連拍張數比上一代還要多,續航方面可以連續拍攝超過 8000 張。

Nikon D5 高速連拍有幾快? 版主上手評測試俾你知!
▲ 底部其實無乜野好講,可以裝上腳架,完。

Nikon D5 高速連拍有幾快? 版主上手評測試俾你知!
▲ 你可以選擇畫面大小以及每秒幅數,最高可以有 3840 x 2160 解像度以及 30p。

Nikon D5 高速連拍有幾快? 版主上手評測試俾你知!
▲ D5 標準 ISO 感光度有 102400,並且可以擴展至 Hi 5 (相等於 ISO 3280000)。

Nikon D5 高速連拍有幾快? 版主上手評測試俾你知!
▲ 在功能表中,用家亦可以設定自動對焦、測光/曝光、計時器等等。

Nikon D5 高速連拍有幾快? 版主上手評測試俾你知!
▲ D5 內置虛擬鍵盤,用途可以係更改相片檔案名稱,不過在一個 3.2 吋的屏幕上打字,版主覺得始終係太細,打字時比較容易按錯。

Nikon D5 高速連拍有幾快? 版主上手評測試俾你知!
▲ D5 機身比較重,拎上手會有點墜手。(辛苦哂 Model 姐姐拎咁耐了 icon )

連拍速度版主實測
Nikon 表示在 D5 身上落左好大苦功,同上一代 D4s 相比,並不是同一個概念。D5 採用了 Nikon 自家研發的全新 FX 格式 CMOS 影像感應器,棄用 D4s 的 EXPEED 4 影像處理引擎,並配備了最新的 EXPEED 5,相比上代有很大進步。D5 採用了 2,080 萬像素感光元件,最高標準 ISO 感光度達 ISO 102400,而且更可以擴展至 Hi 5 (相等於 ISO 3280000)。另外,Nikon 支援每秒約 12 張的連拍速度,單次連拍更多達 200 張 12 bit 無損壓縮 RAW 影像。雖然 D4s 支持每秒 11 幅的連拍速度,D5 僅比 D4s 每秒多一張,但 D5 升起反光鏡之後,拍攝速度更高達 14 fps。Nikon 亦在 D5 上提升了連續快門與反光鏡機制的速度,並大幅減少了觀景器在單次高速連拍期間出現黑屏現象。就咁講好空泛,到底 D5 連拍點快法,黑屏現象點樣減少? 即刻去片感受下!


▲ 版主手持 Sony Xperia Z5 Premium,將手機鏡頭對準 D5 的觀景器,然後長按快門鍵進行連拍,你可以感受其連拍的速度,並且看到黑屏的時間好短。

小結
由於受時間所限,版主無辦法即場詳細試到好多,只能從基本的外型、連拍方面進行評測及示範。事實上,版主我之前未用過 Nikon 的單反相機,今次都係我第一次上手 Nikon 的單反,老實講,雖然呢部 D5 價錢唔平,但其實我覺得都值。版主我本身用緊 Canon 700D 入門單反,開始覺得 700D 未能滿足自己的需要,早就想換部新機,所以今次上手 D5 之後,確實係深深吸引到我,除左 D5 能夠支持高速的連拍之外,其極高 ISO、低至 -4 EV 的 AF 感光,亦能夠讓我即使在昏暗的環境下,都可以影到高質的相片 (點解我會知? 因為 Nikon 在會場上放左幾張用 D5 拍出來的作品,有些場景更是光源較少,但即使在沒有閃光燈的情況下,依然能夠拍到清晰的相片)。不過,吸引歸吸引,版主雖然話呢部相機值得呢個價錢,但講到底我都係死窮鬼一個,所以只能現場 J 下就算。唔知網友們覺得呢部 D5 吸唔吸引呢?

Nikon D5 高速連拍有幾快? 版主上手評測試俾你知!
▲ Nikon 在發佈會現場展示、用 D5 拍出來的作品。

在文章刊登時,Nikon D5 的建議零售價為 HK $49,800,按這裡有詳細規格及最新賣價