粉嫩美顏 + CASIO 史上最薄? 自拍神器 TR70 版主上手玩!

2015-12-10 17:09
唔少人無論男男女女,都中意自拍,當然之前都同大家提過,版主我都唔例外,成日中意自拍啲相 upload 上 Facebook 同身邊朋友分享。不過咁,唔知大家覺得,點樣先可以影到一張靚嘅自拍相呢? 版主認為,要影到一張靚嘅自拍相,除左個樣要夠 chok 之外,相機的質素、功能都好重要。今日 CASIO 推出左一款新嘅自拍神器 EX-TR70,而呢部自拍神器同時係 CASIO 歷代最纖薄的機種。咁唔知佢嘅外型、規格、功能上又係咪好似佢講咁「神器級」呢? 版主即刻同大家介紹一下。

粉嫩美顏 + CASIO 史上最薄? 自拍神器 TR70 版主上手玩!

CASIO EX-TR70 外觀上延續左過往 TR 系列的風格,都是採用左旋轉外框設計,方便扭動屏幕同埋鏡頭向唔同角度自拍。另外,EX-TR70 的機身採用了金屬材料鑄造,運用鋁材切割技術,呈現出其菱形的紋理。EX-TR70 的機身尺吋為 128.5 x 60.9 x 16.3 mm,淨機身重 128g,在外觀上以輕巧纖薄為主要賣點。而機身顏色方面,EX-TR70 有金色、桃紅和白色三種選擇。

粉嫩美顏 + CASIO 史上最薄? 自拍神器 TR70 版主上手玩!
▲ EX-TR70 有三種顏色選擇,分別為金色、桃紅、白色三種。

粉嫩美顏 + CASIO 史上最薄? 自拍神器 TR70 版主上手玩!
▲ 首先要說明一下,EX-TR70 的屏幕能夠進行左右旋轉的,而外框亦可以上下旋轉,方便大家進行多角度的拍攝。

粉嫩美顏 + CASIO 史上最薄? 自拍神器 TR70 版主上手玩!
▲ EX-TR70 的上方會有個圓形的鏡頭,鏡頭四周可以清晰見到佢嘅菱形紋理,感覺上好似寶石咁。鏡頭的左邊,你見到有個發光的位置,呢個唔係我相機的閃光燈,而是呢部機內置的補光燈。而下方則有 CASIO 的字樣。咁呢部相機係專為女士們設計,如果以一個男士的角度拿起呢部機,感覺上有少許奇怪。

粉嫩美顏 + CASIO 史上最薄? 自拍神器 TR70 版主上手玩!
▲ 可能上圖唔夠清晰,其實 CASIO 字樣的下方,仲隱藏住一個快門鍵,輕按能夠對焦,大力按能夠拍攝。

粉嫩美顏 + CASIO 史上最薄? 自拍神器 TR70 版主上手玩!
▲ 咁版主上手的是一部桃紅色的 EX-TR70,機背除左可以見到佢嘅顏色之外,仲可以見到 EXILIM 的字樣,而上方則有揚聲器一個。

粉嫩美顏 + CASIO 史上最薄? 自拍神器 TR70 版主上手玩!
▲ 至於機的頂部,會見到有個開關鍵。版主試過,從關機至開機,只需 1 秒左右。

粉嫩美顏 + CASIO 史上最薄? 自拍神器 TR70 版主上手玩!
▲ 而機的底部能夠讓你扣上吊飾。

粉嫩美顏 + CASIO 史上最薄? 自拍神器 TR70 版主上手玩!
▲ 機的左側其實咩都無,而下方你會見到 MADE IN JAPAN 的字樣,大家可以相對更放心地使用。

粉嫩美顏 + CASIO 史上最薄? 自拍神器 TR70 版主上手玩!
▲ 而機的右側下方會見到有個 USB 插槽。

粉嫩美顏 + CASIO 史上最薄? 自拍神器 TR70 版主上手玩!
▲ 機的右側上方,就會有個 OPEN 的按鍵,只要按下佢,就能夠打開背蓋。

粉嫩美顏 + CASIO 史上最薄? 自拍神器 TR70 版主上手玩!
▲ 打開左背蓋之後,你會見到佢舊電,係採用左 NP-150 充電式鋰電池,能夠拍攝約 50 分鐘的影片以及約 220 張的靜態影像,感覺上續航能力並不太理想。

咁其實 TR 系列嘅相機都出左幾代,咁到底今次呢部 EX-TR70 同上一代嘅有啲咩野唔同呢? 首先,在屏幕上 EX-TR70 較上一代有所升級,今次 EX-TR70 將會採用 3 吋 92 萬像素 IPS-NEO 輕觸式液晶顯示屏,能夠提高其對比度,亮度亦比上一代光差不多 1.5 倍,令到屏幕的顏色更均勻,而且屏幕的可視角度做得不錯,在任何角度睇落去,影像都很清晰可見。而在功能上,CASIO 稱曾對外做過市場調查,得出結論是「粉嫩」比較適合女士,因此今次嘅 EX-TR70 亦都新增了「粉紅嫩肌」美顏模式,並具備 12 級美白或古銅膚色及平滑肌膚軸。同時,EX-TR70 亦都新增了「一鍵拍攝」功能,能夠更方便快捷地進行錄影。最後,通常大家影完相都可能會有 share 上 Facebook 或者 Instagram 的習慣,EX-TR70 亦新增左「自動傳相」功能,影完相自動 send 到你手機度,省卻左好多繁複嘅步驟。

粉嫩美顏 + CASIO 史上最薄? 自拍神器 TR70 版主上手玩!
▲ EX-TR70 將佢嘅屏幕升級左,採用3 吋 92 萬像素 IPS-NEO 輕觸式液晶顯示屏,就算係側面望落去,都仲可以睇得清晰。

粉嫩美顏 + CASIO 史上最薄? 自拍神器 TR70 版主上手玩!
▲ 根據 CASIO 發佈會現場的介紹,用 EX-TR70 自拍,影出黎的影像會比上一代 EX-TR60 拍出黎嘅更加紅粉菲菲,好似塗左胭脂咁。

粉嫩美顏 + CASIO 史上最薄? 自拍神器 TR70 版主上手玩!
▲ EX-TR70 新增了「粉紅嫩肌」美顏模式,並具備 12 級美白或古銅膚色及平滑肌膚軸。

粉嫩美顏 + CASIO 史上最薄? 自拍神器 TR70 版主上手玩!
▲ 你可以將 EX-TR70 連接至手機,之後就可以設定自動傳送照片,方便你即時 share 上社交網站同朋友分享。

粉嫩美顏 + CASIO 史上最薄? 自拍神器 TR70 版主上手玩!
▲ 值得一提的是,EX-TR70 內建不同的拍攝模式,包括「自動模式」、「專業模式」、「美顏模式」、「Selfie Art」等等,能夠為你的自拍加入不同的特色風格。

規格方面,EX-TR70 採用了 1/1.7 吋高感光度 CMOS、1100 萬有效像素以及 21mm 超廣角鏡頭,採用了 EXILIM HS 第三代雙核心影像處理器,能夠快速地處理影像,達至約 1 秒的高速啟動、約 0.24 秒的拍攝間隔、約 0.23 秒的自動對焦時間以及無間隔快門。同時,EX-TR70 具備「智能美顏 BKT 包圍式曝光」、「Selfie Art」、「Selfie Pad」、「揮手自拍」等模式,並支援全高清影片錄製。另外,EX-TR70 具備高亮度閃光燈,能夠在陰暗的環境下進行補光。

好了! 介紹完咁多,能夠睇到最後嘅,應該係對呢部機都有啲興趣嘅人,你地最關心嘅,一定係佢嘅價錢方面。睇番上一代 EX-TR60 的價錢,EX-TR60 剛推出的時候定價為 HK $9980,差不多成萬蚊。今次呢部 EX-TR70 在價錢上比上一代有所下調,定價為 HK $7880,其實以一部數碼相機黎講,版主覺得都係有點昂貴。至於 EX-TR70 香港開賣日期未知,不過版主向相關同事詢問過,估計將會在今星期尾或者下星期便會開賣。不過唔少人都係愛美,呢部相機自拍功能咁強大,唔知美女們會唔會願意花錢去入手呢部相機呢? 

在文章刊登時,CASIO EX-TR70 的建議零售價為 HK $7880,按這裡有詳細規格及最新賣價