粉嫩美肌 + 全新 share! Casio 自拍神器 EX-ZR3600 上手玩

2016-02-18 22:53
中意自拍,希望展現最美的自己,無一部似樣的「自拍神器」點得呢? 相信有追開 post 的網友都知,版主我係個中意自拍的人,而且對自拍係好有要求。之前都同大家講過,要自拍影得靚,唔單止要個樣夠 chok,相機的質素、功能都好重要,而果陣就同大家介紹左一部 Casio 歷代最纖薄的「自拍神器」- TR70,可惜定價太高,睇就高興,買就無謂。不過 Casio 今日 (18/2) 再推出左定價較親民的「自拍神器」EX-ZR3600,唔知大家又有無興趣呢? 版主今日就上手呢部 EX-ZR3600,同大家介紹一下,比大家睇清楚佢嘅外型。

粉嫩美肌 + 全新 share! Casio 自拍神器 EX-ZR3600 上手玩

Casio EX-ZR3600 其實是 EX-ZR3500 的小升級,除左顏色選擇不同之外,另外仲有三大重點升級。在外觀上,Casio EX-ZR3600 延續了 Selfie Cam 自拍相機系列的風格,外型跟一般的數碼相機仔一樣,機身尺寸為 108.3 x 61.5 x 36.7,淨機身重量為 209g,配備掀背式 3 吋高清顯示屏以及自置快門,能夠讓自拍更方便。要注意的是,雖然而家有好多相機都引入了 Touch Screen 的技術,但係 EX-ZR3600 係無 Touch Screen 的!唔知呢樣算唔算係呢部相機的缺點之一,如果用慣有觸控屏的相機,突然用番呢部 EX-ZR3600 會相當不習慣。另外,Casio EX-ZR3600 有白色、桃紅色以及粉紫色三種顏色選擇,同上一代相比,你可以明顯感覺到今次推出的顏色更加女性化,可見 Casio 有意將該系列的相機推向女性市場。

粉嫩美肌 + 全新 share! Casio 自拍神器 EX-ZR3600 上手玩
▲ 版主覺得白色機款比較中性,男男女女都適合。

粉嫩美肌 + 全新 share! Casio 自拍神器 EX-ZR3600 上手玩
▲ 除左白色之外,今次 EX-ZR3600 新增的兩種顏色-粉紫色及桃紅色就明顯比較偏向女性化。

粉嫩美肌 + 全新 share! Casio 自拍神器 EX-ZR3600 上手玩
▲ 版主上手試的是粉紫色的 Casio EX-ZR3600。EX-ZR3600 提供 12 倍光學變焦,鏡頭結構為 10 片 9 組 (包括非球面鏡片),配備 1276 萬像素、1/1.7 吋高速 CMOS 感光元件,光圈值由 F2.8 (W) 至 F6.3 (T),而焦距範圍由 5.4mm 至 64.8mm,大約相當於 35mm 底片系統的 25 至 300 mm。左下方你會見到有個圓形的按鍵,呢個按鍵讓你掀開屏幕自拍的時候,可以當作快門鍵,而左上方則有內建的閃光燈。

粉嫩美肌 + 全新 share! Casio 自拍神器 EX-ZR3600 上手玩
▲ 機背方面,你會見到有一個 3 吋的高清顯示屏,再提醒多大家一次,呢個顯示屏唔係 Touch Screen 黎! 唔好成日手痕走去篤個 MON (其實版主係自己提醒緊自己 icon)。老實講,版主我自己其實都用緊一部 Casio 的 EX-10,個芒有 3.5 吋,今日忽然睇番呢部 EX-ZR3600,有點睇唔慣咁細......機背部份除左會有錄影鍵、播放鍵、功能鍵之外,另外仲會有一個 Wi-Fi 連接鍵,由於同大家提過,EX-ZR3600 會新增左一個「即時分享 One Time Share」功能,可以將相片製成 QR Code,即時分享俾你嘅朋友,版主稍後會為大家簡單示範一下。

粉嫩美肌 + 全新 share! Casio 自拍神器 EX-ZR3600 上手玩

粉嫩美肌 + 全新 share! Casio 自拍神器 EX-ZR3600 上手玩
▲ Casio EX-ZR3600 配備掀背式的屏幕,最多可以上揭 180 度。

粉嫩美肌 + 全新 share! Casio 自拍神器 EX-ZR3600 上手玩
▲ 呢邊係乜都無嘅,所以都無乜野可以講。

粉嫩美肌 + 全新 share! Casio 自拍神器 EX-ZR3600 上手玩
▲ 而另一邊就有個揭蓋,打開之後會見到有 HDMI 以及 USB 插槽。

粉嫩美肌 + 全新 share! Casio 自拍神器 EX-ZR3600 上手玩
▲ 機的頂部會有開關鍵以及快門鍵,並且能夠自行調整縮放率以及拍攝模式。

粉嫩美肌 + 全新 share! Casio 自拍神器 EX-ZR3600 上手玩
▲ 當中的拍攝模式同一般的相機差不多,來來去去都係手動、光圈先決、快門先決等模式,有影開相嘅應該對呢啲拍攝模式不陌生吧?

粉嫩美肌 + 全新 share! Casio 自拍神器 EX-ZR3600 上手玩
▲ 機的底部則可以放置電池以及 SD 卡。

粉嫩美肌 + 全新 share! Casio 自拍神器 EX-ZR3600 上手玩
▲ EX-ZR3600 體積其實並唔係好大,就算版主成日話自己手細,但拎上手手感都係不錯的。

粉嫩美肌 + 全新 share! Casio 自拍神器 EX-ZR3600 上手玩
▲ 你睇下 Model 姐姐拎住呢部 EX-ZR3600 自拍得幾自然? 你可能會問,點解佢會咁樣舉高隻右手呢? 係咪擺緊 Pose 呢? 其實唔係! EX-ZR3600 內建揮手自拍功能,你只需要對住鏡頭揮手,掣都唔洗撳就可以自拍,好似都幾方便咁。不過版主我點都要講一講嘅係,雖然呢個揮手自拍好似好正咁,不過版主我在自己的 EX-10 上試過,好多時我無揮手,但佢都無啦啦影左相,唔知呢個情況在 ZR3600 有沒有得以改善呢?

「即時分享 One Time Share」新功能示範
「即時分享 One Time Share」是 Casio EX-ZR3600 其中一個新功能,意思就係當你拍攝完照片之後,就可以即時在相機中自製 QR code,更能方便用家同朋友影完相之後,即時 share 俾朋友。在示範呢個「即時分享 One Time Share」新功能之前,你要準備幾樣野,首先你要在 Play Store 中下載「EXILIM Connect」以及 「Scene」的 Apps (值得注意的是,如果你就咁在 Play Store 搜尋 Scene 的話,可能會見到太多相關軟件,未必會咁容易搵到合適的軟件,所以建議用家在 「EXILIM Connect」 入面的連結下載「Scene」。

粉嫩美肌 + 全新 share! Casio 自拍神器 EX-ZR3600 上手玩
▲ 首先假設你影左張相,然後想將佢製成 QR Code 分享俾你身邊的朋友。

粉嫩美肌 + 全新 share! Casio 自拍神器 EX-ZR3600 上手玩
▲ 之後你就可以在相機上按 Wi-Fi 這個按鍵。

粉嫩美肌 + 全新 share! Casio 自拍神器 EX-ZR3600 上手玩
▲ 然後你就會見到呢個畫面,按「配對」。呢個時候,你就要在手機上打開「EXILIM Connect」呢個軟件,開啟藍牙以及 Wi-Fi,同部相機進行同步配對。配對完之後,你就可以選擇「傳送至手機」。

粉嫩美肌 + 全新 share! Casio 自拍神器 EX-ZR3600 上手玩
▲ 撳左入去之後,你可以見到有幾項選擇,包括「掃碼共享」、「自動傳送」(你可以選擇「全部」自動傳送,或者只傳送自拍 / 人像照)、「傳送選取的影像」(透過 Wi-Fi 傳送相片到手機) 以及「在手機上檢視」。咁因為而家係示範「即時分享 One Time Share」功能,所以我就選擇「掃碼共享」。

粉嫩美肌 + 全新 share! Casio 自拍神器 EX-ZR3600 上手玩
▲ 然後你會見到「正在處理...... 請稍後......」,其實係 Load 緊你相機入面的相片。

粉嫩美肌 + 全新 share! Casio 自拍神器 EX-ZR3600 上手玩
▲ Load 完之後,你就可以按「Set」選擇你要製作 QR Code 的相片。揀完之後按「Menu」,咁就搞掂!

粉嫩美肌 + 全新 share! Casio 自拍神器 EX-ZR3600 上手玩
▲ 按完「Menu」之後,你就會見到出左個 QR Code,你可以將 QR Code 製作成相片,亦可以就咁俾朋友用 QR Code Scanner 掃描。掃描完之後,就可以檢視或者下載這張照片。

小結
玩過 Casio TR-70,自己用緊 EX-10,上手呢部 EX-ZR3600,個操作介面讓我覺得好有親切感。雖然外型方面並不如 TR-70 般華麗,但上手的感覺是 TR-10、EX-10、EX-ZR3600 三部機當中最好的。顏色方面係就係女仔左啲,不過版主覺得男仔用白色的 EX-ZR3600,感覺應該都會相當不錯。唯一最令版主覺得不滿的是,唔知係因為樣品機,還是因為太多人連接的緣故,版主與一眾行家在配對手機和相機的過程,即使在工作人員的協助下,都依然花了不少時間去進行配對,因為試過好多次,都連接唔到。不過幾經辛苦,最後終於成功配對。在三個重點升級當中,版主比較欣賞是「即時分享 One Time Share」呢項功能,因為有時人多,而朋友仔又想即時攞到相的話,呢個功能就大派用場。至於其餘兩項升級,唔係話多餘,不過版主個人覺得無乜必要。唔知大家對於呢部 EX-ZR3600 有啲乜野睇法呢?

在文章刊登時,Casio EX-ZR3600 的建議零售價為 HK $3280,按這裡有詳細規格及最新賣價