呢個年代學生都話要拍微電影。最慘係對於普通 DV ，班學生嫌棄畫質差；面對單反又叫操控性差；叫佢買翻部 Blackmagic 又話無咁多錢。我唯有介紹 Canon XC10 比班學生哥，皆因成部機係機身加鏡頭一體化設計，有 4K 又有大感光元件，變焦鏡頭長短焦段都有齊，盛惠港幣兩萬有找就可以即刻開工拍微電影。 Canon XC10 可能係預算有限既一個好選擇。
Canon XC10 機身大小同普通單反相若，但規格卻追得上業界用攝錄機：1 吋 1200 萬像素 CMOS 感光元件，提供 ISO 160 - 20,000 高感光度範圍，低光環境下仍能低雜訊影像畫面。XC10 亦配備 10 倍光學變焦的 4K 鏡頭，帶來 27.3 - 273mm ( F2.8 - 5.6 ) 的攝錄焦段和五軸防震。影像處理方面，XC10 支援 XF-AVC 攝錄格式，機身備有雙卡槽：4K 攝錄需要配合記憶卡 CFast 2.0，資料傳輸率高達 305Mbps；而全高清模式則使用 SD 卡，資料傳輸率亦達到 50Mbps，貼合業界標準。
而且 XC10 設有 Canon Log Gamma 功能，實現 12 級動態範圍，面對高光差的環境，亦能夠最大限度保留色彩資訊，方便後期製作調色之用。同時亦設有 Wide DR Gamma 功能，效果相當於相片 HDR，無需後期製作都能自動處理光差問題。XC10 配備一款 3 吋多角度 LCD 屏幕，以及可以 180 度旋轉手柄，更容易實現刁鑽構圖和取景角度。 機身內置雙頻 WiFI 無線傳輸，可以使用智能手機作監控用途。
XC10 連 64GB CFast 2.0 既記憶卡及讀卡器套裝定價為港幣 19580 元，128GB 版定價為 20980 元，於 6 月 25 日正式發售。