呢款嘅 G5 X 嘅定位介乎 G3 X 同 G7 X 之間，G3 X 就強調多段變焦，而 G7 X 就強調輕便使用，咁相信呢款 G5 X 應該能夠同時達到多段變焦同輕便使用呢兩個優點。首先外型方面，G5 X 嘅機身俾我嘅感覺有少少復古 feel，但又使用左翻轉式嘅觸控屏幕，能夠方便你從不同的角度拍攝出更專業嘅效果。
▲ Canon G5 X 嘅正面圖，就咁睇有少少復古 feel。
▲ 機身上面會有個內置嘅閃光燈，當然如果你想效果好啲，最好就另行購買外置閃光燈。
▲ 配備可翻轉屏幕。
▲ Canon G5 X 嘅背面圖，讓大家看看有啲咩按鍵。
▲ 隨機將包括一個充電器、一個電池以及一條相機帶。
而規格方面，根據官方對於呢部 G5 X 嘅介紹，呢部 G5 X 將會配備了 4.2x 倍率、24mm - 100 mm、f/1.8-2.8 變焦以及 2020 萬像素嘅鏡頭，能夠在低光情況下都擁有最好嘅表現，並採用了高感應度的 CMOS 傳感器，搭配 236 萬像素嘅電子觀景器以及廣闊嘅色域，能夠提供更高對比度、更真實的拍攝享受。另外，G5 X 亦使用了 Canon IS 防手震功能。而在影片拍攝上，G5 X 亦為你提供流暢嘅錄影享受，在每秒 120 格嘅 Smooth Mode 下，能夠讓錄像畫面更清晰、更順暢。
售價方面，G5 X 嘅官方定價為 US $799，折合港幣約 HK $6192，價錢方面尚算合理。大家對於呢部相機有啲咩野睇法呢? 你平時用開咩品牌嘅相機呢? 留言講下啦!
來源：Canon (US)