首款二千萬像素 m4/3 賣咩價? Panasonic Lumix GX8 到港開售!

2015-08-27 11:36
唔少朋友問我究竟 m4/3 幾時可以突破 1600 萬像素既「極限」,其實 Panasonic Lumix G DMC-GX8 就係第一款達到 2000 萬像素解像度既 m4/3 無反相機! 除左像素提升之外,亦加入雙重影像穩定系統,機身 + 鏡頭防震雙管齊下。 GX8 今日正式在港發布,定價為港幣 10390 元。

首款二千萬像素 m4/3 賣咩價? Panasonic Lumix GX8 到港開售!

講翻部機先,如果要係 m4/3 中搵對手係無,皆因佢係首部採用 2030 萬像素 Live MOS m4/3 無反,Dual Image Stabilizer 雙重影相穩定系統,過往機身防震和鏡頭防震各選其一,這次就索性雙重疊加防震效果,相信能夠大大減少因為手震而產生的影相模糊。近期大熱既 4K 攝錄功能,Panasonic 亦加入 GX8 內,拍 4K 片的同時以支援同步拍攝 4K 照片。 另一個賣點係可調角度的電子觀景器,236 萬像素 OLED 特性提供 10000:1 高對比顯示效果。 GX8 同時擁有全角度調教的反轉屏幕,支援觸控同時,亦玩到反轉自拍。

但需要注意的是,GX8 取消了內置閃燈,但保留熱靴安裝外置閃燈。GX8 跟隨旗艦 GH4 加入防塵防水功能,但需要注意的是要配合同樣擁有防塵防水滴的鏡頭使用才生效。而機身手握感更深,機頂部輪盤佈局更合理就手,即使單手操控 GX8 亦無難度。

雖然明顯係唔同級別,但我找來最近規格的對手 OLYMPUS OM-D E-M5II,擁有特殊模式增加像素到 4000 萬像素,五軸防震,可調角度屏幕:

首款二千萬像素 m4/3 賣咩價? Panasonic Lumix GX8 到港開售!
詳細規格對比請到這裡

文章發表時候 Panasonic Lumix DMC-GX8 定價為港幣 10390,詳細開賣資訊和規格請到這裡;而套裝 LUMIX G VARIO 14-140mm F3.5-5.6 ASPH POWER OIS 定價為港幣 14290 元。
文章發表時候 OLYMPUS OM-D E-M5II 定價為港幣 8990 元,詳細發售資訊和規格請到這裡