前度「女友」 $3000 即出!大舖平過細舖 抵唔抵?

2018-09-26 19:36
睇到標題,以為版主咁痴線要賤賣前度,仲要 $3000 即出?大家未免想太多了~前度「女友」 $3000 即出!大舖平過細舖 抵唔抵? 版主咁正經,講的當然唔係果種女友,而係講緊 Panasonic 的「女朋友」系列相機,不過唔係講今年推出的 GF10,而係舊代「前度」GF9,行過大舖見到做緊信用卡優惠,三千蚊即入手,抵唔抵?睇下文啦!

前度「女友」 $3000 即出!大舖平過細舖 抵唔抵?

說的是中原,行過見到「前度女友」Panasonic GF9 有信用卡推廣優惠,原價 $4990,而只要你係 AE 美國運通信用卡會員,就可以優惠價 $3080 買到。版主亦都參考過出面細舖的價錢,單鏡套裝行貨出面賣緊 $3380 左右,而今次中原呢個優惠,似乎比起細舖還要便宜,你又覺得抵唔抵呢?

前度「女友」 $3000 即出!大舖平過細舖 抵唔抵?

Panasonic GF9 配備了 1600 萬像素 Live MOS 感光元件,用上 Venus Engine 影像處理器,能夠以高達 ISO 25600 拍攝,並具備 DFD (Depth from Defocus) 散焦測距技術,最快可 0.07 秒自動對焦。另外,GF9 亦都支援 4K 30fps 影片拍攝功能。GF9 具有翻揭觸控式顯示屏,方便自拍,支持「4K 相片」功能,平時去旅行用的話,應該都幾夠用,但最衰就無熱靴,如果唔係我都有少少性趣~前度「女友」 $3000 即出!大舖平過細舖 抵唔抵?