五千蚊減到一字頭?店舖清倉最平一折,千元數碼相機平價賣!

2017-05-10 20:41
無論係手機、平板抑或相機,好多時候只要有抵玩優惠,ePrice.HK 都會同大家分享,唔理你有無興趣都好,都起碼等大家知道左呢個消息先。最近發現,九龍灣有店舖做緊清倉優惠,貨品最平一折賣,有相機、電腦、平板等等,而有相機更由原價近五千蚊,減至一字頭。平平地搵番部數碼機仔去旅行用,網友又會唔會考慮呢?睇下文啦!

五千蚊減到一字頭?店舖清倉最平一折,千元數碼相機平價賣!
 


五千蚊減到一字頭,千元數碼相機平價賣!

開倉地點係香港九龍灣宏照道11號寶隆中心B座3樓07室。如果有上網 search 過,其實會發現都係不時有做減價的 SUNLITE,未必所有開倉賣的產品都抵玩,而且有啲可能係好舊的倉底貨,不過如果平平地千幾蚊買部數碼機仔旅行用,版主覺得都可以考慮一下。例如 Kodak S1 連 12-45mm F3.5-F6.3 鏡頭套裝,建議零售價 $2998,而家只需 $1198 就買到部 m4/3 相機,雖然係 Kodak 但都算係諗得過。

對 Kodak 相機無興趣,如果係 Sigma DP2s,又會唔會話有少少睇頭呢?機款係舊啲,2010 年開賣,周圍已經好難搵到呢部相機,配備 14MP 感光元件,有 F2.8 光圈,感光度範圍為 ISO 50 - ISO 3200。當時叫價 $4980,好似好貴,而家只需 $1980 就可以買到,四折都唔使,你又覺得諗唔諗得過?

五千蚊減到一字頭?店舖清倉最平一折,千元數碼相機平價賣!
▲ Kodak S-1 跟機會連埋支 12-45mm F3.5 - 6.3 kit 鏡,加埋都係賣 $1200 唔使,算係唔貴嘅。

五千蚊減到一字頭?店舖清倉最平一折,千元數碼相機平價賣!
▲ SIGMA 相機在質素上都有一定的保證,雖然係舊啲,但賣 $1980 你又點睇呢?
 


更多開倉優惠:

五千蚊減到一字頭?店舖清倉最平一折,千元數碼相機平價賣!
▲ 其實開倉唔淨止相機,就算手提電腦、家庭用品、平板等等,都有優惠,但未必樣樣值得買。例如 8 吋 Android 平板賣二百幾蚊,但品牌不明,你又敢唔敢買呢?
 

開倉資訊:

地點: 香港九龍灣宏照道11號寶隆中心B座3樓07室
日期: 即日起至 5 月 15 日
時間: 星期一至六 10:00 - 20:00   星期日 10:00 - 18:00