外型細細夠隱蔽
GoPro Hero 4 一門數傑,今次推出既 Session 係最細係 Hero,裸機本身已經具備防水功能,官方表示可以在水深 10 米運作,但小弟就未能找到到底水下運作可以幾長時間。機身內置 1030mAh 鋰電池,充滿電池就可以提供最高 2 小時既連續錄影!
▲ 機身 800 萬像素 170 度廣角鏡頭前方有八顆螺絲,固定一塊透明保護板。整個 Session 呈現正立方體,個人覺得「好打耳呀」。
▲ 大家可以見到 Session 係一粒掌心雷;如果套入隨機附送既固定架,仍然都可以輕鬆一手掌握。
▲ 機身其中一個最明顯既按鈕,對準目標輕輕一按,咁就可以直接開機錄影。按鈕上方角落有信號燈,顯示紅、藍訊號,而按鈕下面有一個簡單既單色顯示屏,顯示連接、電量、以及其他系統信息。
▲ 機身唯一可以打開既蓋係呢度:micro-usb 充電口和 micro-sd 卡插槽,最高支援 64GB 容量;另外大家見到右側面下方,有一顆小按鈕,這個也是多功能既按鈕,主要負責同子智能手機進行配對。
跟機配件一覽
網上公開發售既 Session 有分兩個版本,分別係標準版同衝浪版,不同之處在於附送既 Mount 有分別,但價錢都一樣三千二百蚊。
▲ GoPro 展示 Session 出跟機有既野。
▲ 右邊橙色套套係要另外購買的,本質係一個比較硬身既海綿體,落水後 Session 就唔會沉!
同手機配合功能更多
玩開既朋友應該估到,Session 無芒就當然可以同智能手機進行連線啦! 無錯,而且連線後可以開啟更多功能架。上 Google Play 下載 GoPro 官方開發既專用 App,按照指示,透過機身內置既 WiFi + 藍牙連接部 Session 後就可以功能大解放喇!
▲ 其實 Session 本身只可以用 1080p/30fps,但入 App 後可以選擇超過 7 種既設定組合;而 App 內亦可以檢測住記憶卡既容量,可以錄到幾耐等資訊。
▲ 拍攝界面簡單,可以在手機掌控絕大部分既操作,需要留意既係如果你選擇太高既 fps 設定,例如 100fps,拍攝期間將無法實時監控拍攝畫面;另外也可以在 App 內播放 Session 機身已經拍攝既影片。
六個用途逐個數!
有玩開 GoPro 相機仔既朋友,我相信唔同人既 GoPro 都有唔同用途! 我就獻醜同大家分享下幾個我覺得唔係個個人都用既用途,一齊黎望下靚女 Models 幫我做示範啦!
▲ 小弟見身邊既朋友玩 GoPro,最多係放係滑浪板前錄低自己衝浪既英姿。落水同衝浪,相信呢兩個用途係大部分 GoPro 友都試過啦。
▲ 上面呢個用途相信單車友或者鐵騎友必定試過,將部 Session 放係頭盔度,踩單車入大尾督成程錄嗮都得!
▲ 呢個手帶可以安裝個 Session 係手手腳腳度,參加大型巡遊既時候,隨時都可以錄影低身邊既情況,記錄高興場面之餘,亦避免不必要既誤會啦~ 靚女話戴住咁細既 Session 完全無重量負擔!
▲ 呢個 Session 配上一個支架,基本上夾係邊度都得,你睇靚女妹妹 Clip 套野係個杯上玩自拍都幾「打耳」。
▲ 最後兩個用用途,我估唔多人會咁樣用,但確實唔錯:夾係樂器如結他度,可以拍低「 Rock 下 Roll 下」既動態感;而另一個用途係夾係個士碌架棍身上,正所謂「波波一督、動感十足」咪呢 D 咯!
上手試玩總結
GoPro Hero 4 Session 上手感覺有趣,源於「骰魔級」既身材令。而機身本身支援防亦大大提高可玩性及不同場景既可用性。Session 機身按鈕簡單易用,一個按鈕就錄影,一個按鈕就停止。可是機身細小但無彩色屏幕,可能令新入場既玩家未必能夠咁快就適應,但就勝在可以用手機進行實時監測,並開啟各種隱藏功能,算係彌補這方面既不足。
各位網友,呢部 GoPro Hero 4 Session 係咪你杯茶呢? 本身擁有 GoPro 既網友,不如一齊分享下你平時點用部機啦?