16 個鏡頭集於一身! L16 可拍 5200 萬相+4K 影片

2015-10-09 19:55
想影靚相,但又唔想成日拎住部咁重嘅單反相機出街,有乜計? 外國有一間叫做 Light 嘅公司推出左一款與別不同嘅相機,呢部相機個名叫做 L16,相信可以實現你嘅願望。呢部相機最特別嘅地方係,佢雖然體積細小,但呢部相機集合左 16 個鏡頭於一身。而 Light 認為,更多嘅鏡頭能夠幫到你就算唔用單反機都可以影到靚相。

16 個鏡頭集於一身! L16 可拍 5200 萬相+4K 影片
▲ 有 16 個 1300 萬像素鏡頭嘅小型相機。

外型方面,呢部相機其實只有一部智能手機咁大,方便攜帶。佢擁有 16 個 1300 萬像素鏡頭,當中包括 5 個 35 mm 焦距、5個 70mm 焦距 以及 6 個 150 mm 焦距嘅鏡頭。而呢 16 個鏡頭都可以影到唔同嘅圖像,而 16 幅唔同嘅圖像拼埋一齊嘅話,可以組成一張 5200 萬像素嘅大相。喺 L16 嘅背面,有一個 5 吋嘅觸控屏,透過呢個觸控屏,你可以改變你嘅設定、放大縮小以及對焦等。
16 個鏡頭集於一身! L16 可拍 5200 萬相+4K 影片▲ Light L16 嘅正面圖。

16 個鏡頭集於一身! L16 可拍 5200 萬相+4K 影片▲ 左上方有個閃光燈。

16 個鏡頭集於一身! L16 可拍 5200 萬相+4K 影片▲ 呢部 L16 嘅內部結構。

根據外媒表示,L16 影出黎嘅相明顯地比 iPhone 6 影出黎嘅相靚,但比用 Canon 5D Mark III 單反相機差。Light 亦表示,L16 能夠在昏暗嘅環境下都可以影到靚相,有效減少雜訊。另外,呢部 L16 可以拍攝 4K 影片。以下你可以睇下一啲用 L16 影出黎嘅相:

16 個鏡頭集於一身! L16 可拍 5200 萬相+4K 影片
16 個鏡頭集於一身! L16 可拍 5200 萬相+4K 影片

呢部細細部但擁有強大拍攝功能嘅相機,目前產量只有數千部,但暫時只供應美國市場。如果你對呢部相機有興趣,可以在預購頁面上按「Outside the US?」或者按此先做個登記,當呢部 L16 能夠運到香港的話,Light 就會立即通知你。

來源:TNW News | The Verge | Light | ExtremeTech