HTC RE 外型+150 度廣角! Letv 首推具直播功能運動相機!

2015-12-08 19:59
Letv 樂視未舉辦發佈會之前,就已經在 Facebook 專頁上同大家講:驚喜,豈止一個? 的確, Letv 今日為大家帶來不少消息,有「驚」,亦有「喜」,推出左 Le 1s、Le Max、英超月費同埋3D 頭戴,都仲唔夠,連相機都帶到黎是日的發佈會上。Letv 樂視體育推出左「勁趣運動相機」,唔知呢款相機帶俾你嘅,會係驚還是喜呢? 就等版主先簡單介紹一下。

HTC RE 外型+150 度廣角! Letv 首推具直播功能運動相機!

首先外型方面,呢部勁趣運動相機一眼睇落去,就令人聯想起 HTC RE,版主心諗:嘩! 乜咁似樣嘅? 如果你唔記得 HTC RE 係點嘅樣,可以睇番版主 Keith 好耐之前的上手實拍。勁趣運動相機採用了橢圓曲面設計以及 180 度可旋轉鏡頭的專利轉軸設計,可以彎曲或者拉直,呢點係 RE 係做唔到的。佢嘅機身體積為 25 x 35 x 108mm,適合在各種運動場景上使用。

HTC RE 外型+150 度廣角! Letv 首推具直播功能運動相機!
▲ 外型上同 HTC RE 差不多。

至於功能方面,勁趣運動相機採用了安霸 (Ambarella) A7 圖像處理器,配備了 150 度高清廣角鏡頭以及 Sony Exmor R 1600 萬像素感光元件,同時亦支持 1080p、每秒 50 幀的高速攝影、快拍、連拍、定時拍攝、延時拍攝等功能。另外,呢部相機是全球首款自帶直播功能的運動相機,可透過手機直播 720p 影片,能夠做到真正意義上的實時分享。除此之外,勁趣運動相機能夠支持最大 64GB microSD 卡,內建的電池能夠支援 2 小時影片錄製。

樂視體育也針對它推出一系列的周邊配件,包括行車記錄器底座、頭帶、胸帶、充電底座、以及可以支援水下 40 公尺操作的潛水殼,配合佢嘅配件,能夠做到防水、防塵、防撞的功效,但機體本身似乎並不支援防水防塵。

HTC RE 外型+150 度廣角! Letv 首推具直播功能運動相機!
▲ 唔知大家覺唔覺得呢部勁趣運動相機同 HTC RE 好似樣呢?

呢款相機目前在京東眾籌網站上進行集資,你可以選擇「無私支持」,但你並不會得到回報。如果你支持人民幣 1 元的話,就會以抽獎形式選取幸運兒,每 800 個支持者中,只會抽取 1 名幸運兒得到這部運動相機。如果你想 100% 得到這款運動相機,就需要付出至少人民幣 499 元 (折合港幣約 HK $603),名額只有 100 個。不過從目前來看,這款運動相機並不怎麼受歡迎,主要原因是因為佢嘅外型太似 HTC RE。唔知大家又點睇呢?
發表於 2015-12-09 13:04
2 樓
有40 公尺操作的潛水殼, 已經好過 HTC RE 好多.
發表於 2015-12-10 10:45
3 樓
抄到咁足, 真係唔知醜