日本媒體叫 Nikon 賣業務,事實又係點?

2021-03-13 09:56
早幾日,日本 Media 直頭叫 Nikon 關閉相機業務,點解?一齊睇睇。

日本媒體叫 Nikon 賣業務,事實又係點?-0


根據日本媒體指出,Nikon 目前最重要的問題係,單反相機專業化,以及面對被無反的取代。 Nikon 喺無反相機產品推出的時間、系列都明顯見到市場唔感興趣,無反大家寧願用 Sony、單反又守不住出貨量,Canon 反而仲不斷嘗試推出各種定位、價位的相機產品。Nikon 半放棄 DC,入門、中階無反、單反都幾乎 cut 晒,剩下嘅都係你一見到價錢就覺得屬於專業定位的產品。

Nikon 除了相機之外,仲有部分半導體代工業務,但佢最大的客戶 Intel 都開始自己攪生產。 咁樣四面楚歌的情況下,日本媒體建議 Nikon 金盤洗手、急流勇退,將相機品牌好似 Olympus 賣畀其他財團套現好過。

不死仲有計劃
雖然日本傳媒唱啖,但 Nikon 轉頭就宣佈開發旗艦無反 Z9 計劃,預計係今年內會出到產品。
不過,無反機開發經驗,Nikon 係三大裡面資歷最淺,Sony 係第一、Canon 係第二。如果你講埋市佔率,Fujifilm、Olympus 就係第三第四,輪到輪唔到 Nikon。而 Nikon 影像部門連續 5 年蝕錢,唔見得可以靠推出一部旗艦 Z9 黎扭轉局面。Z9 能否吸引舊 Nikon 客戶升級,又吸引到 Sony、Canon 用戶轉會,甚至更困難係吸引翻放棄相機影相的人,重新購入無反拍攝都好大難度。 

叫得做旗艦,定價都會係專業級售價,門檻並非一般人願意負擔。 

業績不是太差勁
最近有消息流出,係關於 Nikon官方內部對自己 Imaging Department 季度業績表現的一描述內容。佢哋錄得破紀錄的季度銷售記錄;如果排除特殊開支,例如部門重組開支,其實今季係有盈利,預計盈利達到 30 億日yen; 影像產品業務最近進展良好,主要得益於市場復甦的幫助。 以上的內容都係2020年第三季的內部流出的內容,亦可能因為咁,Nikon 股價由去年年底 6XXyen,升到宜家 9XX yen 的水平。希望唔係迴光返照。
 
多謝支持 ePrice.HK
您可能也喜歡▼