如果飛機遇到惡劣天氣或機件故障，需要緊急高空急降，相信乘客都會嚇破膽。不過呢個嚇破膽嘅經歷日前喺一班由香港出發，飛往遼寧大連嘅中國國航班機上出現。飛行途中機艙突然失壓，客機需要急降 21,000 呎，而且機艙內的氧氣面罩全部跌出嚟。事情同天氣無關，一切都係飛機師嘅錯，點解？跳轉話你知。
[SEP]
涉事的是中國國航 CA106 航機，喺 7 月 10 日 6:58pm 從香港機場起飛，到了廣州航段突然宣佈「Mayday」和緊急下降。當時機艙內的氧氣面罩跌下，同時作出廣播表示機艙失壓，乘客需要馬上戴上氧氣面罩。大陸傳媒報導指，有乘客表示事發時沒有冷氣，溫度升高，而且氧氣面罩緊急掉下令他非常害怕。
報導又指事件起因同機師喺飛機進入巡航時喺駕駛艙食煙，仲錯誤將其中兩個組件當成再循環風扇關閉，於是引發機艙釋壓。由於機組認為增壓不受控，於是就宣佈「Mayday」和緊急下降。當飛機下降至安全高度之後，機組先發現機艙溫度上升跟關錯兩個組件有關，於是重新打開組件增壓後，再將飛機爬升和繼續飛往目的地大連，結果事件令航班延誤近一小時。
資料來源：foxnews