天網恢恢!iPhone 數據踢爆殺妻計中計

2018-12-07 13:18
天網恢恢!iPhone 數據踢爆殺妻計中計
英國男子 Mitesh 同老婆 Jessica 結婚多年,不過幾年前中途轉「基」,認識咗澳州新歡男朋友,於是開始一個長達 5 年嘅殺妻大計。Mitesh 諗住殺死老婆 Jessica,攞走保險金,再帶埋老婆之前冷凍嘅卵子,就可以同男朋友組織同性家庭重新開始,點知殺妻奸計被 iPhone 出賣,老婆雖然死咗,但 Mitesh 自己亦要踎 30 年監。跳轉講你知詳情。


天網恢恢!iPhone 數據踢爆殺妻計中計

Jessica 雖然明知 Mitesh 中途轉「基」,有小三男朋友 6 年,但依然購買價值 200 萬英鎊嘅人壽保險,咁就埋下悲劇伏線。事件發生於今年 5 月,Mitesh 打算上演一場匪徒入屋打劫兼殺人嘅情節,用以騙取老婆 Jessica 嘅保險金,於是首先以胰島素令太太昏迷,再用膠袋將佢勒死。

Mitesh 殺人後喺屋企上上落落營造被打劫嘅假象,之後再拎老婆 Jessica 部 iPhone 掉出街,希望誤導警方賊人慌張遺留手機。結果 Mitesh 同 Jessica 兩部 iPhone 的 Health 數據協助破案,警方檢查兩人嘅手機資料,發現 Mitesh 在老婆死後有上落樓梯的動作,至於 Jessica 的手機則在她死後有 14 次移動的紀錄,警方推斷係 Mitesh 殺人營造劫匪入屋偷竊,殺人後慌張離開的假象,最後成功破案。

資料來源:appleinsider