搶劫遇到格鬥高手!巴西笨賊被職業選手打到變豬頭

2019-01-10 05:22
搶劫遇到格鬥高手!巴西笨賊被職業選手打到變豬頭
巴西治安麻麻人所共知,旅遊人士可以選擇唔去巴西,但當地嘅人卻要照常生活。上星期六晚,一名搶匪在里約熱內盧睇中了身形纖瘦的 Viana,趁著對方喺屋企門口等 Uber 之際,鬼鬼祟祟藉詞問時間,走近 Viana 要脅交出手機,又叫佢唔好輕舉妄動,因為自己身上有槍。點知,搶匪呢個決定竟然成為佢惡夢嘅開始。跳轉話你知詳情。


搶劫遇到格鬥高手!巴西笨賊被職業選手打到變豬頭 搶劫遇到格鬥高手!巴西笨賊被職業選手打到變豬頭

搶匪有眼不識泰山,原來眼前看似弱質纖纖嘅 Viana,其實係有「鋼鐵女」稱號嘅 UFC 職業格鬥女選手。雖然 Viana 屬於 52 公斤級,但佢一樣非常抽得,搶匪由於太過貼身,根本未有機會拿出武器,就被 Viana 左右連續打了兩拳加上一個上踢,成個人跌倒喺地上。Viana 未有就此罷休,繼續用佢嘅格鬥技以手臂將搶匪嘅頸項夾實,令佢短暫昏迷。

搶劫遇到格鬥高手!巴西笨賊被職業選手打到變豬頭

眼見搶匪失去攻擊能力,於是 Viana 要求途人協助報警,而搶匪亦附和要求途人幫忙報警,擔心自己繼續被打。結果警方到場後,發現搶匪的「手槍」只係用紙包摺成。搶匪以為 Viana 纖瘦易落手,但似乎忽略了對方身穿嘅紅色 UFC T 恤。Viana 後來表示這是第二次 KO 搶匪,對上一次更加係一個打兩個,所以今次非常平靜和輕鬆就能夠解決對方。

資料來源:ettoday