咁樣砌模型更有型!高達粉絲邊砌邊拍片

2019-01-25 10:37
咁樣砌模型更有型!高達粉絲邊砌邊拍片
除非你係一名毒 L 單身 9,否則要買一盒高達模型返屋企,隨時要被家中「海關」審批,過五關斬六將加上簽訂喪權辱國嘅條款先可以。既然難得可以買一盒高達模型返屋企,點先可以玩得最盡?日本一名高達模型粉絲就諗到,一邊砌模型一邊拍攝過癮嘅 Stop Motion 動畫,好好享受砌模型嘅樂趣之餘,亦同時有條片可以留念,港男們不妨考慮一下,因為唔知幾時屋企嘅港女發脾氣,高達模型會首先被「處理」。




為咗製作呢條 Stop Motion 影片,拍片嘅 GeeTee Channel 影咗 1,145 張相片,再組合成 3 分半鐘嘅影片,片段中模型部件一件一件自己組裝,好似有生命一樣,加上好正嘅音效,就算無份砌,都一樣睇得開心過癮!