用華為手機開餐有半價!學生:有換機衝動

2019-02-28 05:48
用華為手機開餐有半價!學生:有換機衝動
尋日網絡瘋傳愛國兒歌《華為美》,其內容大讚華為手機,首歌除了喺香港有好大迴響,亦成為大陸網民討論熱門話題。有華為員工喺微博留言多謝創作者一番好意,但對於華為形象或會帶來反效果。其實就咁用把口唱下讚賞下,都唔夠河南一位食堂老闆真金白銀支持實際。詳情跳轉講你知。




河南信陽師範學院的學生食堂,其中一個攤檔嘅老闆日前貼出告示,表示「開學前三天,凡用華為手機的同學,可以在東北水餃窗口享受半價優惠」。有傳媒訪問了水餃檔負責人夏師傅,原來佢佩服華為創辦人任正非嘅創業精神,要為華為手機喺中國通訊行業嘅帶頭作用加油,所以提出半價優惠瞓身支持華為。

夏師傅又勸同學支持國產手機,大陸傳媒報導指有同學見到水餃半價 3 天嘅告示後,表示後悔自己並非使用華為手機,有換機嘅衝動喎!

資料來源:cnbeta