話說嚟緊星期五，TCL 會在深圳有個發佈會，到時就會宣佈正式推出 Palm Phone，當然香港都會有份吧！不過，唔使等星期五，版主已經一早收到消息，得知這部 Palm Phone 的香港賣價，同時呢部手機會幾時賣，都已經知道了。雖然 TCL 表示上市日期會是 20/1 左右，不過版主收到的風聲就表示會 23/1 賣。至於價錢方面，Palm Phone 的香港建議零售價會是 $2988，成三千蚊呢個價錢，網友又會否購買呢？
（11/1 最新 Update：TCL 確認了 Palm 賣價，$2988 是沒錯的，將會在 CES 後，最快 23/1 前後在香港推出)
在之前的文章中已經提過，Palm Phone 香港會先賣實體 SIM 卡版，稍後才會再有 eSIM 版。而呢部手機賣點就係夠細夠輕，具有 3.3 吋芒，重 62.5g，有金、銀兩色，能夠將 Android / iPhone 的通知 / 訊息同步至 Palm Phone，達至兩機一號，就算放低咗主機，都能夠與朋友保持聯繫。
至於硬件配置，Palm Phone 則配備了 S435 處理器，內置 3GB RAM 以及 32GB ROM，並預載 Android 8.1 作業系統。另外，Palm Phone 亦支持 IP68 防水防塵，內置 800mAh 電池，並採用了 Type-C 充電。而相機則用上 12MP 主鏡頭以及 8MP 前置鏡頭。
Palm 在文章發表時，建議零售價為 $2988，按這裡有詳細規格及最新賣價。