iPhone SE 嗰芒唔夠細!呢部 Palm 手機千二蚊有找

Keith Yim 2020-04-30 14:18 | Palm
最近 Apple 推出全新 iPhone SE 第二代,唔少人追住買,好似我哋嘅空巴 Wilson 咁講,用 iPhone 11 嘅規格,但三千幾蚊就買到喎。但唔鐘意嘅人,就覺得佢個芒仲係唔夠... 細。若果你鐘意細細個芒嘅手機...飛雲機會來了!個價仲要好親民!千二蚊有找,講緊嘅係 Palm 手機!

palm-fb.jpg

Palm 手機,講緊係 2019 年版本嗰部,即係 TCL 收購咗呢個品牌後推出嘅 Android 智能手機。買呢部機,我覺得有三個原因:首先係細芒:3.3 吋。嘩,仲細過 iPhone SE 第一代。又咁睇,佢又好難用作主機嘅,但當佢係 second phone 都好好用,佢用嘅係 Android 8.1 版本,有特製嘅 Lanucher 方便單手及超細芒操控。當然,你可以轉播正常嘅 Launcher ,但用起上來就唔會好就手。因為 google asistant 已支援廣東話,用聲來叫佢揾資料,回 message,可能比用手打仲快。

第二個原因係型:因為真係好細部,跟機送掛身機套,掛上身,又有個咁 retro 嘅 Palm Logo,同家陣部部都差唔多樣嘅手機比較,Palm 手機又的確好出眾。

第三個原因就係抵:呢間網店賣到 $1138。呢個價,係入門手機嘅價錢,但入門手機有無咁型?當然唔會啦!版主已問過店主,佢哋賣呢部係行貨,有香港區保修架!

講返轉頭,版主都要講返佢嘅缺點,雖然佢插得 SIM 卡,打到電話,仲可以 4G 上網,但佢唔似一般Andriod  手機,佢係無得 WiFi Tethering,但都可以用 USB 駁電腦分享數據上網嘅。另外,就係規格比較入門,亦不設 microSD 記憶卡,跟機只有 32GB ROM,比較適合用來作 Streaming 服務嘅音樂手機。

螢幕快照 2020-04-30 下午2.10.26.png


Palm  手機,係呢間網店賣價係 $1138,按這裡有詳細規格及最新賣價
按呢度有購買點
按呢度有 Palm 手機評測
 

最新新聞