50GB 幾快用得晒?
百佳 SoSIM 開卡即有 50GB 42Mbps 速度嘅 4.5G 數據,呢 50GB 可以用 30 日。到底 50GB,用唔用到咁多日?版主 Keith 先張呢張 SoSIM 插咗入去早前數碼通借過來的 ZTE 5G Router 上面,我就係咁當佢係家居寬頻咁用,開首都係普通用法,全家用來上下網、睇下 Facebook 上下 YouTube 睇片咁。但最誇張是駁 TVBox,係睇咗大約 5套電影左右。張卡 10 月 9 日啟用,去到 10 月 20 日,即係十日後,我終於收到第一個 SMS 提示,話畀我知,已經用過咗 25GB 啦! 數數下,原來十二日用咗 25GB,用晒 50GB 真係有可能。留意係,因為佢送咗「歡樂通宵」所以每晚 11 點後嘅用量,係唔會 Count 入去,所以若果日後增值嘅話,無咗送嘅「歡樂通宵」可能用得更加快。用爆咗仲有 4 小時可用
為咗加快使用量,作極限測試,我最後決定全日都係 TVBox 狂播直播 Channel,最後係開卡後 17 日,用晒 50GB 數據! 有趣嘅係,佢係下午五點 send SMS 通知,但實際真係四小時後,九點左右,才真正被限速!限速後情況
可以話畀大家聽,被限速後,係無.奇.蹟。用 Speedtest 或者 Fast.com 去測試,真係得番 128kbps 左右嘅上網速度。不過咁,開卡其實送咗任用嘅 Social Network Data,同埋 7.2Mbps 速度嘅「歡樂通宵」即係 11pm - 6am 嘅無限數據。係被限速 128kbps 後,全部都可以用番正常速度使用。上面條片就係用晒 50GB 後嘅測試,係一部 Android 手機開了 FB app,睇蘋果日報九點半新聞直播,下面用 Chrome 行 fast.com 測速。測速結真係地獄速,但上面 FB 嘅直播,依然暢順播放中。而版主都試過用 tethering 方式,分享至電腦使用,發覺係電腦上面,行網頁版嘅 Facebook、Web 版 WhatsApp 同埋 Facebook Messenger,全部都無被限速。所以,若果你開卡好快打爆 50GB,之後你都可以當佢係 Whatsapp、WeChat、IG 及 FB 專用數據卡。
到咗夜晚十一點,張卡嘅 128kbps 速度,就會升番去 7.2Mbps 速度,你又可以繼續開心上網了。
按這裡有更多儲值卡、年卡,高用量 SIM 卡資訊