5G 試用 Plan!用一個月可 Cut!你試唔試!

Keith Yim 2020-07-11 16:47 | 中國移動香港
呢排都有唔少手機推出咗,例如 Sony Xperia 1 II ,以影相為賣點、小米有款中價手機,都好平。今年新機有唔少共通點:就係支援 5G 網絡!知啦知啦,5G 唔係你最關心嘅功能呀!不過,若果買咗部新 5G 手機,有一張 5G SIM 試下,可能會用到你上癮呢?早前,版主 Keith 都自己出咗張免費一個月嘅 csl 5G 卡,今次輪到 CMHK 中國移動香港攪試用 Plan,好處係唔駛簽約,用一個月覺得 5G 根本唔勁,只係網絡商吹出來嘅,大可以 Cut 咗佢,詳細係點?立即睇!

CMHK-5G-fb.jpg

是咁嘅,中國移動香港 CMHK 嘅 5G  帶機上台計劃,做咗個首月免合約嘅推廣。即係點?

001: 首先,你要自己有部 5G 手機,再用佢哋嘅帶機上台 5G 計劃,唔可以用 CMHK 嘅特價買機兼上台計劃享用呢個優惠。可以係新 Number,亦可以係帶 Number MNP 轉台。

002: 照樣係佢哋四個 5G 計劃,包括 30GB ($198)、100GB ($298)、200GB ($398)、300GB ($498) 用量揀一個計劃。

003:都係要簽 24 個月合約嘅,但佢哋寫明「客戶於服務計劃生效起計的首1個月內 i) 更改至其他服務計劃;或 ii)提前終止合約,可豁免繳付約定賠償金額一次。」即係話,一個月內,你可以轉 Plan,或者停止服務,VOID 咗張合約都唔駛賠償。

004:由於 CMHK 係免行政費嘅,所以你實際最低只係畀 $198 就可以試用 CMHK 嘅 5G 網絡一個月。


雖然,比起早前 csl 嘅 5G 免費派 SIM 用一個月,今次 CMHK 要先課金,比較上來,唔算好抵。不過,加陣無 Prepaid SIM 可以接通 5G,若果你真係有 5G 手機,又想試用一下 5G 係咪咁正,呢個方法,都可以一試,你咪當買咗張好貴嘅年卡囉。另外,CMHK 免 $18 行政費優惠,門市係無,要係佢哋網站或者經「街霸」或者 Direct Sales 先有架。

最新新聞