呢期個個都講緊，到底用乜電子支付平台領取政府 $5000 電子消費券，而領取完又可以用筆錢喺邊度。我自己就掙扎於用 Tap & Go 好，抑或八達通好，而當中嘅八達通，初初講到因為要用實體卡，所以局限咗喺實體舖先用到，但原來網店都可以用到八達通，想知詳情，睇下文啦！
唔知大家有無聽過掌舖 Boutir 呢個平台？相信有搞開網店或者不時網上購物嘅，都會聽過呢個平台，而今日 Boutir 就宣佈，佢哋呢個網上平台會支持 Tap & Go、八達通、AliPay HK 以及 WeChat Pay 呢四種電子支付方式，而當中嘅八達通，用戶可以透過手機的 NFC 功能拍卡，令本身話用實體八達通唔可以用於網上消費呢個講法，由不能變成可行。
另外，今日我哋開 Clubhouse 房嘅時候，亦有掌舖 Boutir 嘅職員入嚟分享，表示他們遲啲會舉行一個小型市集，集合哂所有支持電子消費券嘅網店，方便用戶可以更清楚搵到合適嘅網店，而呢個舉動相信應該會吸引到更多網店加盟 Boutir 行列。網友又點睇呢？
請按此：香港 $5000 消費劵申請／優惠攻略文章集結