三鏡、四鏡都無用!三星中價手機無人吼?開賣不足二月大舖即減價
|
Samsung
今次要講的減價手機,就是 Samsung Galaxy A7 以及 Galaxy A9,前者建議零售價 $2998,減多 $200 賣 $2798,而後者則有 6GB RAM 以及 8GB RAM 版本,分別由 $3998 同 $4398,減至 $3798 同 $4198,同樣係有 $200 的減價幅度。企硬唔減的中階「相機王者」,都終於肯減價,網友又會唔會考慮呢?
呢兩部中價手機話平庸又唔係平庸,最大嘅賣點係乜?就係夠多鏡頭,A7 有三鏡頭,而 A9 又四鏡頭,基本上手機必備的相機功能,包括景深、廣角等,佢哋都齊備。處理器方面,A7 係用 Exynoa 7885 處理器,而 A9 則係用 S660 處理器。雖然係減了價,但其實比起市場價還是偏貴,就好像 A9 般,市場上用 S660 的手機多不勝數之餘,賣價更比佢平一大截。即係話,佢只係貴喺個相機度。問題是,雖然相機功能齊備,但質素係咪如想像中咁好呢?有玩過的網友,相信你們心中都有個答案。
三星 Galaxy A7 在文章發表時,大舖賣價為 $2798,按這裡有詳細規格及最新賣價。
三星 Galaxy A9 6GB 在文章發表時,大舖賣價為 $3798,按這裡有詳細規格及最新賣價。
三星 Galaxy A9 8GB 在文章發表時,大舖賣價為 $4198,按這裡有詳細規格及最新賣價。