又一摺機 力鬥三星!Moto RAZR 5G 香港會賣 第一水賣價即睇

左定坤 (Cho Ting Kwan) 2020-10-06 19:42 | Moto
講到近期流行嘅摺芒機,其實主要都係得兩個品牌,一係三星,一係華為。而講到多樣化,三星比起華為更勝一籌,既有細芒輕巧易攜嘅 Galaxy Z Flip 5G,又有手機變平板嘅 Galaxy Z Fold2。當中嘅 Galaxy Z Flip 5G,呢個定位嘅手機,市場係咪無對手?本來係,但而家唔再係了。Moto 摺芒機 RAZR 香港會賣!而水貨今日亦已抵港,第一水賣幾錢,下文再講!

FB.jpg

Moto RAZR 5G 水貨已抵達旺角先達,第一水賣價為 $16800,喺未有行貨嘅前提下,版主都估到大約係賣呢個價錢。不過,過多一排,行貨會出,係呀,嚟緊今個星期會有香港發佈會,已知係 csl. 獨家賣,而到時行貨一賣街喇喎,水貨應該就會跌價。所謂早買早享受,遲買就平多多,呢個價錢網友會考慮早享受嗎?

hat7029_1_dd7a64660cfe2920d10c2c2f31dae843.jpg

硬件規格部分,Moto RAZR 5G 設計有少少似三星 Galaxy Z Flip 5G,都係定位輕巧便攜,細芒變更細芒,內屏大小為 6.2 吋,而當手機摺埋咗,外屏則為 2.7 吋,配備 Qualcomm Snapdragon 765G 處理器,內置 8GB RAM 以及 256GB ROM,支持 nano SIM + eSIM (未知香港有無 eSIM,不過 csl. 獨家賣嘅話可能會有),電就細咗啲,淨係得 2800mAh。據版主消息情報指,呢部摺機會喺 10 月 9 日接受預訂,預計會喺十月中/十月尾開賣,實際日期未知。
 

最新新聞