先講配備 S710 處理器、6.3 吋的 Lenovo Z5s，呢部手機雖然話就話聽日先發表，不過其實在深水埗的店舖中，呢部機已經搶先開賣。邊間？咪版主之前提到，「雙代理」事件中嘅永揚數碼囉～賣幾錢？佢哋就賣緊 $1999，比較返佢之前同 D1 嘅賣價，可以預計 D1 都會係賣一樣價錢。至於旗艦 Z6 Pro，永揚則表示未有定價，唯有留待版主聽日再同大家分解。
另一邊廂，下星期小米會在台灣發表國際版的 K20，亦即係小米 9T，其實上星期已經喺歐洲發表過一次，下星期又發佈多次。咁歐洲已經發佈咗，水貨到港好正常，賣價 $3050，暫時得 S730 U + 6GB RAM + 64GB ROM 一個版本。當然，如果覺得水貨價高，等到的話可以等香港版，版主估計，香港版價錢唔會同大陸版相差太遠 (大陸版賣價 1999 人民幣起，折合港幣約 $2262.5)。當香港會賣 $2499，你會揀 Lenovo Z5s，亦或小米 9T 呢？留言講下啦！
小米 9T 在文章發表時，香港上市日期未定，按這裡有詳細規格及最新賣價。