攝力比拼 iPhone X!小米 8 大戰 2017 手機,105 分無造假?

左定坤 (Cho Ting Kwan) 2018-06-01 04:29 | 小米
尋日小米喺深圳舉行發佈會,出三部手機都算,吹漲仲要限媒體 10 分鐘體驗時間,搞到影得機嚟,都「體驗」唔到。好老實,體驗唔到我又無乜損失,佢唔俾時間我哋試,我哋無辦法詳盡話到俾網友知,對部手機有乜感覺,最終損失會係邊個?好在,最後小米都叫「識做」,拎咗幾部小米 8 俾眾多香港媒體「輪」。有,都叫好過無嘅。而小米 8 強調啲乜?咪話影相部份有幾吊打舊年嘅 iPhone X 囉。版主趁有機在身,就試下拎返 iPhone X 出嚟做個攝力比拼,睇下呢部小米 8 係咪真係贏得到。睇下文啦!

PK(Facebook).jpg

小米喺發佈會上係咁吊打 iPhone X,講到部小米 8 有幾好咁,就好似 DxOMark 影相部份有 105 分喎,完勝 iPhone X 喎。果刻我已經諗緊兩樣嘢,第一就是到底 DxOMark 105 分到底有無造假,第二就是點解你唔拎最新嘅手機嚟比?華為 P20 Pro 呢?HTC U12+ 呢?贏到舊年出嘅手機就好威威?我怕,就連 iPhone X 都未必贏到咋。不過我都明,作為一個 Media,真正寫文時我又唔應該投入太多嘅個人主觀情感落去,小米 8 影相好與唔好,贏唔贏到 iPhone X,都要有證有據。版主今次就以小米 8 比拼 iPhone X,靚與唔靚,由網友自行判斷。

>> 立即去相!>>

(左圖 / M 版上圖:小米 8;右圖 / M 版下圖:iPhone X)
*講清楚測試方式先,小米 8 是開啟了 AI 模式去拍的,而 iPhone X 則是用 Auto Mode 拍。

室內/光源充足環境
IMG_20090101_004928.jpgIMG_5051.JPG
▲ 我承認,在寫文的時候我的確放入了少許個人不滿的情緒,然而當真正要評論相片質素時,我都要保持我的中立性。從呢張照片中,留意上面的國旗,留意下面的地板,可以發現小米 8 成像的細緻度,是比 iPhone X 高,小米 8 會顯得較為清晰。然而,小米 8 成像的對比度,卻相比 iPhone X 低。

IMG_20180531_205014.jpgIMG_5052.JPG
▲ 呢張圖可以看到兩件事:第一件事就係 iPhone X 成像較為明亮,但第二件事就是從 SNOOPY 燈牌反映出 iPhone X 對光的控制不太好,曝哂光,呢點就無可否認小米 8 做得好點。而如果講色水,我就會偏向 iPhone X 多點,因為小米 8 成像對比度低,令到成張相感覺平平無奇般。

IMG_20180531_205119.jpgIMG_5053.JPG
▲ 從呢張都可以睇到,小米 8 成像係偏向暗淡一點,而 iPhone X 成像則光啲同 Sharp 啲。

IMG_20180531_205226.jpgIMG_5054.JPG
▲ 同樣對比度的問題,即使在同一角度拍照,都會影響到相片給人的感覺。

室外/昏暗環境
IMG_20090101_004442.jpgIMG_5047.JPG
▲ 有一點很奇怪,在使用小米 8 拍這張相片,會發現街燈部份會出現奇怪的藍色波波,而 iPhone X 拍則沒有這種情況。不過,如果單看這張照片,我會覺得小米 8 顏色偏向自然一點。

IMG_20090101_004732.jpgIMG_5048.JPG
▲ 呢張相片其實滿明顯的反映出,剛才提到 iPhone X 對於光控制的問題。放大看看正中央的指示牌,小米 8 你仍然可以依稀看到寫着甚麼字,以及成功顯示到圖示的輪廓,但用 iPhone X 拍出來則會變成一團光。而留意上方一格格果啲位,會發現小米 8 所勾劃出的線條會更清楚。

IMG_20180531_210830.jpgIMG_5057.JPG
▲ 清晰,唔清晰,從地板的線條可以清楚看得出。對唔住,講到夜拍,今次我覺得小米 8 影得靚啲。

IMG_20180531_210904.jpgIMG_5060.JPG
▲ 在室內或者較光的環境下,iPhone X 影出黎的成像會 sharp 啲,對比度高啲,然而一到夜拍,iPhone X 成像就變得比較暗啞,反而小米 8 影出黎係有 feel 一點。

IMG_20180531_211123.jpgIMG_5064.JPG
▲ 睇完咁多組試相,不知從網友的眼光來看,小米 8 在攝力部份又是否能夠勝過 iPhone X 呢?

小結

無可否認,小米在相機部份的確開始見到有進步,如果同 iPhone X 比較的話,有某些部份都比起 iPhone X 優勝。但 iPhone X 始終都是 2017 的手機,已經好舊,如果同今年嘅手機比拼,小米 8 又能否保持呢份「光榮感」呢?不過又咁講,小米 8 賣幾錢,其他 2018 旗艦賣幾錢,對比之下,咁其實小米 8 有這樣的質素,又算是合格嘅。唔知你同唔同意呢?你又認為小米 8 是否對得住 DxOMark 105 分的成績呢?

以下版主將會分析小米 8 與 iPhone X 相機的優、缺點,讓大家作個參考:
  小米 8 iPhone X
優點 - 細緻度較高,線條較清晰
- 夜拍飽和度、對比度有所提升
- 光源控制部份不錯
- 室內 / 光源充足環境對比度高
缺點 - 室內 / 光源充足環境對比度較低 - 細緻度相比小米 8 略為不足
- 夜拍成像顯得較為暗啞
- 對光源控制部份不太好,容易出現曝光情況

小米 8 (6+64) 在文章發表時,香港上市日期未定,按這裡有詳細規格及最新賣價
小米 8 (6+128) 在文章發表時,香港上市日期未定,按這裡有詳細規格及最新賣價
弓金小米 8 (6+256) 在文章發表時,香港上市日期未定,按這裡有詳細規格及最新賣價

相關產品 (2)

相關報導 (2)

百元手機紅米 6 抵港!S845 旗艦小米 8 同步現身,賣價搶先睇!

百元手機紅米 6 抵港!S845 旗艦小米 8 同步現身,賣價搶先睇!

記得早兩個星期,小米喺中國大陸發表咗紅米6以及紅米6A,當時就話知道好多用戶都不太希望有瀏海屏,所以紅米6無令大家失望,係「不帶瀏海」。然而其實果陣聽佢講呢句嘅時候,版主真係R哂頭,諗諗下乜你對上出果部小米8,唔係都係一樣有M字額,而且仲似iPhoneX似得咁足咩?算喇,佢鍾意「今天的我打倒昨天的我」,其實網友都唔care,反正夠平,性價比夠高,網友一樣會敗。小米8、紅米6兩部手機,今日正式喺香港發表,賣價會係幾多?喺發佈會之前,搶先話你知!

左定坤 (Cho Ting Kwan) | 2018-06-26
攝力比拼 iPhone X!小米 8 大戰 2017 手機,105 分無造假?

攝力比拼 iPhone X!小米 8 大戰 2017 手機,105 分無造假?

尋日小米喺深圳舉行發佈會,出三部手機都算,吹漲仲要限媒體10分鐘體驗時間,搞到影得機嚟,都「體驗」唔到。好老實,體驗唔到我又無乜損失,佢唔俾時間我哋試,我哋無辦法詳盡話到俾網友知,對部手機有乜感覺,最終損失會係邊個?好在,最後小米都叫「識做」,拎咗幾部小米8俾眾多香港媒體「輪」。有,都叫好過無嘅。而小米8強調啲乜?咪話影相部份有幾吊打舊年嘅iPhoneX囉。版主趁有機在身,就試下拎返iPhoneX出嚟做個攝力比拼,睇下呢部小米8係咪真係贏得到。睇下文啦!

左定坤 (Cho Ting Kwan) | 2018-06-01

最新新聞