新機到手七日自動死? 網友訴苦:加錢保養香港 Lenovo 都話唔包

YKer 2019-01-07 10:41 | Lenovo
各位網友見到標題都知道唔係好野。 本 YK 一向係 Lenovo 的忠實用家、不論係 Thinkpad、ThinkCentre 都係我工作上可靠的幫手。 但竟然有網友走黎向本 YK 大吐苦水,話聖誕前係官網買翻黎新機唔夠一個星期,部 ThinkCentre 已經無法正常運作。送到官方維修中心後,客戶服務人員話維修好都要收佢錢,哪怕呢個網友已加錢買三年保都係咁話。到底發生乜事呢? 本 YK 立刻同大家睇睇。(超長文慎入~)

facebook.jpg

呢個網友 Jason 早於聖誕前已多次問本 YK :為何會開機會出現漫長的自動修復、會自動重啟之類的問題,我都好心一一教佢跟住個芒逐一修復,但到最後都係搞唔掂,機都開唔到,我就叫佢盡快去 Lenovo 的維修中心。 我對呢件事咁上心,其實...... 當初係我推介呢位網友買 ThinkCentre 產品,所以我......唔再講了,講翻件事。

d90affda-0473-4e64-8a05-0ba8ec6afd8f.jpg
▲ 網友在 Lenovo 官網入手,11 月 29 日買,聖誕前已送到。

Jason 跑去位於長沙灣的維修中心,原來當日職員已同佢講,如果係軟件出問題導致重新安裝 Windows 10 系統,會收取 100 元的維修費用。 事後問翻,佢話當時電腦死左、上到 CS Centre 收乜費用都梗係整左先再講,等住用機唔通上到去唔整咩。 聖誕假後,Lenovo 維修判斷結果係重裝 Windows 就解決了問題,需要付款 100元。 呢個網友屬於電腦白痴類別,所以本 YK 當日係星巴巴嘆茶都好,都叫佢駁 CS 的電話給我了解情況。

c4b70870-e111-4082-8745-50c31a5b5e32.jpg
▲ 網友買的是圖中 ThinkCentre M720p 自訂規格版,並加錢升級做 3 年保養。

當日我與客戶服務人員的通話我有錄音,內容大意如下: Lenovo 香港的公司政策,任何軟件問題不包保養,重裝 Windows 可以解決的問題一律當作軟件問題。我隨即追問維修師傅能否判斷這次的送修原因,是否網友的操作失誤而出現故障? 客服話無法回應,因為佢唔係維修部。 而我再問,如果出廠軟件有出現衝突、或聯想自己預載的軟件出現偶發性故障,是否也不包保養? 客服只重複:重裝系統可以解決的問題,一律當作軟件問題,而軟件問題是保養不包,每次需要付 100元的安裝費用。

3333333333333.jpg
▲ Lenovo 出張收費單確實係 100 蚊,作為維修師傅辛勞的安裝費。

我向客服表示擔心下一次會出現同樣的情況,導致資料、時間、金錢等不必要的損失。客服表示可以幫忙留機在維修中心運行一兩天視察情況,如果沒有問題再取回主機。事後 Lenovo 話確認沒有出現問題,網友 Jason 唯有上維修中心排隊,比 100 蚊取機就離開。本 YK 都希望事情可以告一段落,都唔想呢位網友變成常山趙子龍。

但今日核心問題來了:到底電腦軟件出問題,保養係咪真係唔包呢?

本 YK 孤陋寡聞,真心未聽過廠機分開軟件、硬件保養咁樣處理。電子野就係硬件同軟件架啦,一係硬件壞、一係就軟件出問題。 手機產品唔理你客戶裝乜軟件、系統點樣死、硬件點樣壞,總之就分人為同非人為,後者保養先包。 我記憶中的 Lenovo Think 字頭產品係隨時可以上 CS 借復原光碟,比你慢慢洗機。我 Google 一下,有人遇到類似問題,其他網民甚至回覆話,保養一路都係只包硬件唔包軟件,呢個答案確實震驚 13 億人民~

本 YK 趁著仍然有聖誕新年假期 MODE,走去逐個電腦大品牌放蛇問一次,到底軟件出問題包唔包? 咁各位網友以後買電腦時都可以作為一個參考嘛~ (以下回覆排名不分先後)


一、ASUS 網上客服對話功能
WhatsApp Image 2019-01-02 at 4.29.09 PM.jpeg
▲ 第一位佳麗係 ASUS,客服話電腦無法開機正常都唔需要收費。

WhatsApp Image 2019-01-02 at 4.29.31 PM.jpeg
▲ 再問得準確少少,保養期內軟件問題都唔需要收費。

21b933c5-77f4-4fa0-b59e-4cce236c7135.jpg
▲ 客服人員更主動關心本 YK 的「壞機情況」。


二、SAMSUNG LiveChat 諮詢平台
514899ad-1da9-4d61-b4d0-38bbb3422718.jpg
▲ 到三星,也是很快就連接上客服。

a4944491-756f-434c-a096-7db398413fcd.jpg
▲ 難道經大學購買會有不同的保養條款?

WhatsApp Image 2019-01-03 at 1.13.21 PM.jpeg
▲ 呢位客服睇黎好想第一時間將自己的心聲傳遞給本 YK~

WhatsApp Image 2019-01-03 at 1.13.21 PM (1).jpeg
▲ 過保 / 非自然因素要收錢,其實我都知,好合理的做法。

WhatsApp Image 2019-01-03 at 1.13.21 PM (2).jpeg
▲ 姐係硬件出事就包,咁軟件呢?

WhatsApp Image 2019-01-03 at 1.13.21 PM (3).jpeg
▲ 到最後,如果軟件出現問題就要交比維修中心判斷跟進了...... 姐係無答案要睇情況。


三、DELL ONLINE CHAT 平台
ce451cfd-4b46-45ba-9df0-c6f5877555a8.jpg
▲ DELL 最爽快,客服話軟件、硬件乜春都包,連部分第三方軟件(如 Microsoft Office)炒左都會有 N 展支援你。


四、HP 電郵查詢
3d7dc546-e054-4335-9db1-a334a1bba164.jpg
▲ HP 竟然無 ONLINE CHAT,要電郵發過去問,但第二天就收到回覆。

81271c7b-ad53-45b6-8d3c-21fd1bf91eea.jpg
▲ HP 保養期內又係乜春都包,上門幫你整埋佢,不另行收費。


五、Acer 保養條款寫明
WhatsApp Image 2019-01-03 at 1.33.01 PM.jpeg
▲ Acer 清楚寫嗮保養條款,問都唔需要問,軟件安裝係唔包保養的,非記錄中預載軟件都係唔包的。


六、VAIO / Avita 電郵查詢
111111111111111.jpg
▲ 負責 VAIO 及 Avita 產品的 Nexstgo 回覆本 YK 查詢時,話如果因為原廠系統問題而需要重置 Windows 系統係免費,但不包括非原廠因素。

2222222222222222.jpg
▲ 而官方網站亦清楚寫明,保固只是硬體保修的服務,其他野唔包。


總結
無人想電腦壞,尤其對於電腦白痴級別的網友黎講,搞電腦慘過做趙子龍,無機用都係一個問題,最怕係資料無嗮;更怕係明明死機已經夠慘,但同你講原來要額外收錢。 本 YK 都戴翻個頭盔先, 上面官方的回覆唔代表一世都係咁,如果擔心的話最好買機之前再聯繫官方人員取得最新、最準確的回覆。買乜機? 你識揀啦~

唔知其他網友又有產品保養中伏經驗呢? 齊齊分享下,等其他人見到免中伏啦~
 

最新新聞