今日中午開始 Facebook 大量用戶發現，喺呢期出過嘅 Post 同埋新嘅 Post 出現「食字」、「食圖」嘅情況 (有字無圖，甚至是吉 Post），到下午近 6 點 Facebook 仲未完全修復到問題，只係睇到部份 Post 出返圖，不過問題都未解決到。呢個星期五明明係 Happy Friday，點知連上個 Facebook 想睇下 Post 都睇唔到，真係有點灰。最慘嘅係小弟問過台灣嘅朋友，台灣嗰邊嘅 Facebook 係咩！事！都！無！好開心咁上緊 Facebook 添。
此外，祝各位 Facebook 小編今日工作順利。