挑戰支付寶!八達通商用版,用 QR Code 在香港餐廳「叫雞」

左定坤 (Cho Ting Kwan) 2017-11-30 16:28 | 科技新知
昔有雷教授語出驚人,指出大陸召妓可以用支付寶,今有八達通推 QR Code 電子付款,或者會將雷教授的夢成真?早幾日版主就透露過,八達通將有新玩法,用來打微信、支付寶,而今日八達通公司就舉行了發佈會,推出了商用版的八達通 App,可以讓主要收取現金付款的中小企、持牌小販、的士司機等等,改用 QR Code 收錢,而且申請程序唔難,就算顧客用 iPhone,都可以俾到錢,解決埋 iPhone 沒有 NFC 的問題 (修正一下:不能說 iPhone 沒有 NFC,而是佢嘅 NFC 是封閉式)。想知詳情,看下文啦!

Octopus(Facebook).jpg

今日發佈會的重點,集中於商用版八達通,講商戶如何可以申請商用版八達通,創造一個無現金的交易方式。其實唔難,有 BR 有公司銀行戶口就得。你話如果的士司機、持牌小販果啲無 BR 點呀?有司機證、相關牌照,一樣可以申請到。不過,對於大部份網友來說,其實講點申請商用版八達通、點收錢,似乎太過離身。老老實實,有幾多個網友係做老細,自己做生意呢?唔敢講話無,但應該不多。

其實重點是,當 QR Code 付款功能推出之後,可以用到 QR Code 付款的商戶就會多左,就算你出街搭的士,只要打開 Octopus 應用程式,按「付款」再按右上角的 QR Code 掣掃二維碼,就可以完成交易。學雷教授話齋,分分鐘去叫 KFC,都可以掃一掃 QR Code 就可以俾到錢。

24259597_526081207750690_64626610_o.jpg

不過,係唔係咁就叫方便呢?首先,O! ePay 呢個功能目前來說還是不夠普及,同埋如果你要掃 QR Code 俾錢,你要本身在 O! ePay 賬戶入面有錢,呢個都未係最大問題,最大問題係目前 O! ePay 同八達通仍是兩套不同的 Systems,未能完美地將 O! ePay 同八達通進行整合,無錯雖然你係可以透過 App 將八達通裡面的錢過去 O!ePay,同時亦都可以調番轉將 O! ePay 入面嘅錢過去八達通,但始終因為八達通卡係一樣 Offline 嘅嘢,你想進行呢個步驟,還是需要用手機 NFC 先可以做到,而呢個過程,就暫時未能支持 iPhone (除非買個讀卡機)。

但平心而論,多個付款的方式,還是一件好事,然而還是有很大的改良空間。對於八達通今次推出的呢個功能,網友又支唔支持呢?留言討論下吧!

八達通 QR Code 付款相關文章

挑戰支付寶!八達通商用版,用 QR Code 在香港餐廳「叫雞」
 八達通夥拍 Samsung Pay 有時間表啦 ! Apple Pay 呢?

最新新聞