001:小米手機出貨量,全球第四,印度第一,但呢間公司係 2017 年是蝕大錢
小米手機全球都好賣得,招股書裡面,引述了 IDC 的報告,係 2017 年,小米手機出貨量全球排第四,係印度更加係第一。但呢間公司,唔係想像中咁賺錢。2017 年截止 12 月 31 日,年度虧損 438.89 億人民幣!就算係 2016 年都只係賺 4.9 億人仔!(招股書 P277)
002:在香港上市的「小米集團」唔係中國註冊
小米是中國公司,這一點是肯定。但以「小米集團」來香港上市,註冊地點唔係中國!係開曼群島!不過,香港好多公司,包括長江和記,都係開曼群島註冊,因為呢個地方,對企業的「限制」比較寬鬆,所以好多公司都選擇咁樣係香港上市,呢類籠統稱為離岸公司。(招股書 P1)003:小米集團最多人嘅部門,不是做科技研發
版主參加過唔少小米產品發佈會,其中「黑科技」係佢地成日用上形容佢地用係手機裡面技術有幾勁!不過,根據招股書,佢地最多人手嘅部門,唔係科技研發,亦唔係手機部門,係 Sales!最有趣嘅係,MIUI 比起手機部份,用上更多嘅員工!(招股書 P226)004:小米家陣都有四千蚊以上嘅旗艦,但原來佢地係 2017 年平均手機賣價,連一千蚊人仔都無!
好有趣,小米呢排狂催谷旗艦手機,例如全面屏小米 Mix 2s,香港賣價都要 $4399!但原來係 2017 年小米 手機平均手機賣價只係人民幣 881 蚊!換句話說,小米最賣得手機,都係千元手機,或更平價為主!咁多年都無乜點改過,似乎所謂旗艦唔係佢地賣得最多嘅手機呀(招股書 P278)005)小米究竟涉及三大重大「被指侵犯知識產權」訴訟還未解決
小米於招股書自爆跟多間公司涉及法律、行政訴訟及索償,且尚未全面了結,日後更可能有新索償,包括 2014 年底跟 Ericsson;2017 年 12 月跟杭州聯安安防工程及 2018 年 1 月跟深圳宇龍計算機通信科技。(招股書 P44)006:小米雷軍曾說,手機嘅利潤只維持 5%,但一部手機小米有更多賺你錢嘅方法!
小米手機當中其中一個業務叫「互聯網服務」。去年每位 MIUI 用家都貢獻左 人民幣 57.9 予小米。咁乜叫互聯網服務,原來當中包括廣告及線上遊戲,當中廣告又佔互聯網服務超過一半。簡單來講,你用小米手機並啟用建基於 Android,小米手機獨有嘅 MIUI 系統,你已為小米多賺一點錢,這亦是小米手機可以賣得咁平嘅其中一個原因。(招股書 P279)007:好多用家曾擔心小米手機會把用戶資料直送北京,係咪真先不談,但肯定小米儲起大量用家數據!
究竟小米最少儲起了幾多用戶數據呢? 招股書上都有寫明: 截止 2018 年 3 月 31 日,至少累積了 230 PB 以上用戶數據,而且一路增加緊!PB ? 對,比起 GB、TB 都要大嘅單位!當然,招股書都有寫明小米對「數據隱私及保護」。版主都係一句,信定唔信,肯、唔肯俾小米收集你嘅資料,其實都有得揀嘅。(招股書 P212)008:小米集團董事名單,原來有一個香港人!有一個係地產富商!
小米集團來自中國大陸,咁董事團名單上,係咪全部中國大陸的人士?唔係,係佢地嘅董事團名單上,版主揾到一個名字:李家傑。佢今年四月才加入小米集團作獨立非執行董事。李家傑就係恆基地產董事局副主席,亦係富商李兆基嘅長子。(招股書 P340)▲ 長江和記主席李嘉誠先生(後排中)、小米始創人、董事長兼首席執行官雷軍先生(後排左)與長江和記集團聯席董事總經理兼副主席李澤鉅先生,一同見證小米高級副總裁王翔先生(前左)與長江和記集團聯席董事總經理霍建寧先生簽署協議合組全球策略聯盟。雖然李嘉誠沒有入股小米,但同佢地組策略聯盟,加埋呢張世紀大合照,為小米集團香港上市造勢!
資料來源:小米集團香港上市招股書