支付寶火拼 WeChat Pay!香港開無人商店,著數齊齊睇

Keith Yim 2018-09-05 18:42 | 科技新知
點解唔用現金?相信好多人覺得最緊要方便,當幾乎間間舖頭都收八達通﹑信用卡﹑EPS,仲要開著部手機開埋個 App 嘟 QR Code 嘅支付寶與 WeChat Pay,要用佢,立減五蚊﹑十蚊少不了。呢兩間中國大陸人人都用嘅流動支付工具,係香港大力推介「無人店」,即係裡面只有貨與電腦,就係無真收銀員,課金指定要用支付寶 HK 與 WeChat Pay!好似之前咁講,有無立減,有無著數?

wechat-fb.jpg

買一百即減 $20

首先係 WeChat Pay,係旺角家樂坊,「零食物語」開設首間「無人零食物語」體驗店,裡頭好實際,就係賣零食!不過,裡頭是無店員嘅,你要入去買嘢,仲一定要有 WeChat Pay 戶口。呢間無人舖,採用中國大陸 EasyGo 技術,透過射頻識別(RFID)方法及其專利感應支付,智能感應及結算商品。首先要用 WeChat Pay App 開門入去無人店 Shopping,揀晒零食,利用微信支付香港版 WeChat Pay 完成付款程序後,門便會自動解鎖,放你走。呢間店採用 Pop Up 性質,只會開到 9 月 25 日。

DSC_0414.JPG


we02.jpg
▲ 至於優惠,版主去睇過,係旺角家樂坊「無人零食物語」體驗店,只要你係裡面購物滿 $100 以上,並以 WeChat Pay 支付,即減 $20,注意嘅係優惠不能跟零食物語其他優惠一拼使用,而每個 WeChat Pay 戶口,只能在限定期間使用一次優惠。

大量現金券

至於支付寶 HK,在同日於大角咀奧海城推廣無人店。呢間名為「星爍無人店」比起「無人零食物語」體驗店更加有推廣之意。係奧海城商場中城,變了一個好大嘅 Event 場地,賣嘅明星禮品為主,週日仲有明星表演。佢地都係要用支付寶 HK 戶口進入,用射頻識別(RFID)方法,感應商品,付款就要用支付寶 HK 啦。整個空間佔地逾 4000 平方呎,但裡面賣明星嘢多,版主覺得無 WeChat Pay 無人店咁實際啦。

1.JPG  DSC_0399.JPG

DSC_0397.JPG DSC_0394.JPG

wechat06.jpg
▲ 優惠呢?推廣期內,即 9 月 5 日至 10 月 1 日,網友可以係支付寶 HK App 裡面,領取「星爍無人店優惠」價值 HK$10 電子現金券一張﹑HK$50 奧海城專屬迎新優惠,而以電子錢包於奧海城指定商戶單一消費滿 HK$200元,即可獲得奧海城 the sky電影禮券電子印花一個,集齊 3 個電影禮券電子印花即可以 HK$1 於無人店內換領the sky 電影禮券張。好煩好煩,不過一向支付寶 HK 優惠都係咁麻煩,無計啦。

最新新聞