網購優惠!九巴仔口罩 $2 一個,兩盒 Thx 已有勁靚禮物
|
科技新知
由九巴推出口罩嗰日,我已經好撐,因為賣得好平,平均兩蚊一個,除咗一盒五十個裝,仲有售賣機,十個十個咁賣,都係平均 $2 一個,唔會細包裝就加價。我認為九巴自己出口罩,都會畀佢哋員工用,質素唔會差。事實上,坊間口罩 KOL 都出過片,話要買平口罩嘅話,可以選擇九巴口罩。
由佢哋開頭只係標 BFE 95%,到後來升級至 ASTM Level 1,原來最近過埋 ASTM Level 2 水準,照係賣返 $2 一個,仲出埋大人細版,同小童 Junior 版。讚成咁,有乜優惠?睇以下張圖啦!
最吸引我嘅係九巴版大富翁,真係我嘅童年回憶,一班朋友圍住玩,今次九巴特別版,即係棋子變晒做九巴嘢...勁正。有朋友話個錢箱都好掂!優惠做到十月七日,網購就得,條 Link 係呢度。