今日八達通推出全新版嘅 「好易畀」( O ! ePay ),重點是把 P2P 轉帳嘅申請手續簡化,亦加入網購功能,令八達通,唔單止係實體卡用來 Do 機付款,仲可以做埋網上買嘢。
咁新 Apps 有咩特別呢 ? 只要你夠12歲,唔洗身份證明文件,只要交低電話號碼同 Email 就可以使用,不過每個月都有使用、轉帳與存入限額,但如果你需求更大額交易,就必須交低身份證明文件及住址證明,升級做 O ! ePay Pro 戶口可以提高限額。簡單來說,「好易畀」( O ! ePay ) 會分為三個戶口,具體分別見下圖。
睇了圖,你會發覺,三種戶口都可以做到 P2P 款額過戶,即係大家都有「好易畀」( O ! ePay ) ,就可以互相過數。而新版本更有網上付款功能,即係可以用作 Online Shopping。要注意嘅係目前好易俾係未有實體商戶支援,到今日只有約 20 多間本地商戶可以使用網上付款,但我在記者會問到未來的計劃,八達通公司的確係有計劃擴大網上支援的商戶及將 O! epay 應用喺實體商戶上,所以暫時黎講如果要喺實體商戶俾錢都係要用八達通俾。
▲咁網上商戶呢,我睇下呢個 List 後,真心我無喺呢D網站上買過野。
用「好易畀」( O ! ePay )為八達通增值
另外一個功能就係可以為八達通增值,只要你係 Android 機,就可以利用「好易畀」( O ! ePay ) App 為手機增值,同時都可以逆向將八達通嘅錢增值入「好易畀」( O ! ePay )中使用;不過如果係 iPhone 的話,你就要買個藍牙讀卡器先可以用到呢兩個功能。家陣首20萬名申請「好易畀」( O ! ePay )用戶,只要朋友一齊用,就可以收到 10 蚊獎賞,另外首1000名客戶可以在八達通網上商店用優惠價 $88 買到八達通流用讀寫器。
問:如果我入錢有咩方法 ?
要入錢落去好簡單,有呢4樣方法:
朋友過俾你
去7仔用QR code 增值( Android同iPhone)
八達通增值入「好易畀」( O ! ePay )
利用指定21間銀行*轉帳
問:可唔可以拎返錢出黎呢 ?
係可以嘅,每個月可以免費轉帳港幣5000元去指定21間銀行*的帳號,超過呢個額就會收取 0.5% 手續費。
*21間銀行如下