6 吋 FHD 大芒主打 0.03 雷射對焦＋雙喇叭
今次 Asus 呢部新機官方定名為 Zenfone 2 Laser (ZE601KL)，係外型上跟 Zenfone 系列手機一樣，有流線金屬質感同髮絲紋的機背（當然不是真的用上金屬材質啦！）。而係最薄的部分只有 3.9mm 。係規格上， Zenfone 2 Laser 第一個主打賣點就係有 6 吋 FHD 解像度大芒！另外，因為 Zenfone 2 Laser 用「極致隨身影院」作為宣傳口號，所以係音效方面當然都係賣點之一。 Asus 提到 Zenfone 2 Laser 兩個五磁鐵揚聲器 （即係雙喇叭)，再加上其自家 SonicMaster 技術，官方提到可以做到家庭戲院級的享受。效能方面都係大家相當關心的一環，如果大家有留意，係下半年開始 Asus 已經慢慢放棄左 4GB RAM 再配 Intel 處理器呢個規格，好似 Zenfone Selfie 就係一個例子。 Zenfone 2 Laser 也不例外，在硬件上呢部機用左 Qualcomm S616 1.7GHz 處理器配 3GB RAM 以及 32GB 內置容量（支援最高 128Gb SD 卡）。係電池方面，可以預計 Zenfone 2 Laser 的 3000mAh 電量續航力上會有點令人擔心，好在電池係可換式。
係相機方面， Zenfone 2 Laser 的賣點同 Sony 旗艦 Z5 系列有一個共通點，就係標榜對焦速度極快， Asus 官方提到 Zenfone 2 Laser 的 1300 萬像素 f2.0 光圈鏡頭配備左 0.03 秒的雷射自動對焦投術。同 Sony Z5 系列的對焦速度一樣！（也比起 LG G4 的 0.276 秒快！）。到底係咪真係咁強大呢？呢樣就要之後實機試先知了。不過，如果大家想盡快入手都唔難，因為即日已經開賣，定價為 $2299 。唔知大家又覺得 Asus 新機性價比如何呢？以下就係目前比較熱門，價錢亦相近的 6 吋芒手機同 Zenfone 2 Laser 的規格比拼（再加多部價錢差不多，但成 6.8 吋的 Phab Plus ），大家又覺得 Zenfone 2 Laser 性價比如何呢？留言講講吧！
在文章發佈時， ZenFone 2 Laser 定價為 $2299 ，按此看手機規格及最新賣價。
