升值八百!換到八百價值?五點五吋芒 MOTO G4 Plus 一手評測

Keith Yim 2016-06-28 19:35 | Moto
記得,上次 ePrice.HK 實測 Motorola MOTO G Turbo,當時嘅 YK 大大評語,以讚為主軸。無他嘅,有防水,又係當時最平嘅 Android 6.0 手機,最重要賣價吸引,建議售價 $1898!今日發佈 Moto G4 Plus,由之前嘅 5 吋 HD 芒,變為 5.5 吋 FHD 大芒,當然其他規格都有升級,但賣價變為 $2699!升呢八舊水!  唔好睇少呢八舊水,原來去到呢個價位,先刪去全部大陸品牌,當 MOTO 還是真 Motorola,對手都係好多!  講多無謂,實戰最實際! MOTO G4 Plus,還值得絕讚嗎?

fb.jpg

價錢升呢手機沒提昇

版主可以講係新 MOTO Fans 之一,Motorola 賣俾 Google 之後,第一代香港 MOTO G,還珍而重之儲起來!MOTO 手機,我唔會要求有高檔嘅手感及外型,如什麼玻璃機面、一體式金屬......所以塑膠物料都要收貨。問題是,Moto G4 Plus 也叫今年全新款,加上價錢賣貴了好多 (建議零售價與 Moto G Turbo 比較) ,當然想有更好的手感,但 Moto G4 Plus 說實一句,跟 Moto G Turbo 手感好似,唔可以話唔好,只係呢個價,貴少少可以買到金屬或玻璃機身嘅大廠手機 (如 HTC One A9、X9、三星 A7),可必要忍住用膠機? 

Moto G4 Plus 對比 Moto G Turbo 改用了 Full HD 5.5 吋芒。大芒手機喎!  雖然只係 TFT 材質,但畫質都唔算差,而機內亦有色彩 Profile 方便調教,可視角度亦 OK。雖然是 5.5 吋芒,但佢跟 HTC 之前嘅手機設計一樣,有網友最唔 Like 設計,就係明明屏幕下面有個指紋辨識鍵,但除了「指紋辨識」外,不是 Home 鍵來。即係你唔啟用「指紋辨識」,呢個掣,就只能係關閉屏幕時,用作叫醒屏幕之用。此外,它用上屏幕操控鍵,三大 Android 功能鍵佔了屏幕約九份一位置,5.5 吋芒都打了大折扣。

a01.jpg
▲ 黑色嘅 Moto G4 Plus,保持 Moto 手機嘅風格,低調兼平實。

a02.jpg 09.jpg
▲ 無論白色或黑色機背,都有少許磨沙質感,減去好膠嘅感覺。

12.jpg
▲  跟機有送耳機,但用無期望來形容。反而,送嘅充電器係快充來。Motorola 叫作 Turbo Charge,但其實以電壓來看,相信可以兼容 Qualcomm QC 2.0。

螢幕快照 2016-06-28 下午10.56.22.png
▲ 雖然 Lenovo 已把成個 Moto 手機部整合,但好采 G4 Plus 還是用上原生 Android 介面,裡面可以用「百無」來形容,即係除了純 Google 服務及 MOTO 嘅加持,無其他 App!

螢幕快照 2016-06-28 下午10.56.28.png
▲ Android 系統只有 6.62GB,很輕巧,另一方面,是繼小米與 HTC 後,少數 Android 6 手機支援跟外置記憶卡合拼成內儲空間功能。


螢幕快照 2016-06-28 下午10.56.35.png
▲ 跟機嘅指紋認證,版主試過速度及反應都好好。此外,手機裡面亦有色彩模式嘅調整。

螢幕快照 2016-06-28 下午10.56.42.png
▲ S617 CPU + 3GB RAM,但 Antutu 跑分得四萬五。呢個分數,對比同樣採用 S617 CPU 嘅 HTC One A9 來說,低兩萬分! 其實失分主要係 UX 性能。真的好奇怪,Motorola G4 Plus 已係用 Pure Android,UX 性能點解會比起 HTC One A9  改良版 Android 6 更加低分。但 3D、RAM 等,其實 G4 Plus 是合乎 S617 CPU 應有水準。而係 Vellamo HTML5 分數上,只有 1195,用 Chrome 上網,很多手機都用得比它順。


螢幕快照 2016-06-28 下午10.56.48.png
▲ 386 嘅 Sling Shot ES3.0 分數,其實跟 HTC One A9 相約。但其實,連呢個軟件也顯示,打 1080p 解像度遊戲,實是 OK。

比較安慰是相機

Moto G4 Plus 嘅相機,反而係最好嘅部份。規格上,佢用有相位及鐳射對焦嘅 1600 萬像素鏡頭,最大光圈值都有 F2.0。而前置鏡頭也有五百萬像素。由於借了只有一日,版主只能用少量試相,Post 出來等大家品評一下。Moto G4 Plus 嘅相機拍出來畫質,好幾個外國網站都有正評,但版主 Keith 想讚嘅,係其介面!你可以選擇搖動兩下手機或按著手機右側嘅開關掣兩下啟動相機,再用音量鍵對焦影相。若果你選擇按屏幕影相,Moto G4 Plus 跟 HTC 10 一樣,可以在 Preview 個陣調教畫面光暗。如此同時,G4 Plus 亦有 Pro Mode 專業模式,有 ISO、手動對焦得選擇。

11.jpg
▲ Motorola 有相位對焦與光學防手震相機,達千六萬像素,並有 LED 補光燈。
 
Screenshot_20160628-153153.jpg
▲ 用 Moto G4 Plus 啟動相機係好方面,有不同方法。

01.jpg 02.jpg
▲ 相機介面見到有專業模式及可以係普通影相介面下加光減光。

01-g4.jpg01-10.jpg

02-g4.jpg02-10.jpg

03-g4.jpg03-10.jpg

04-g4.jpg04-10.jpg

05-g4.jpg05-10.jpg
▲ 上面五組相,左面 (手機 m 版上面)是由 G4 Plus 拍出來,右面 (手機 m 版下面)由 HTC 10 拍出來。版主覺得,兩款效果可以打成平手!可見 Motorola G4 Plus 影相效果,堅唔差! 

小結

回答一個自問自答問題:比起 Moto G Turbo 貴八百蚊,Moto G4 Plus 賣 $2699 值唔值?由外國嘅評測,到今次小試,以大廠 (暫時當睇唔到 Moto 係 Lenovo 嘅) 來睇,Moto G4 Plus 影相效果,的確唔錯,甚至比 Flagship 有得爭一線長短。5.5 吋 Full HD 屏幕效果也不錯。但外型保守,設計手感比較 old fashion,加上,Moto G Turbo 其實都係 Pure Android 6.0 再有防水,實用性又好似高一點。最後,你問版主 Like 唔 Like 呢部 G4 Plus? 我會話,好采相機部份有番咁上下,二千六呢個價,相信都只係建議零售價,當佢肯少減三百,$2399 我會覺得也抵得入手。

Motorola G4 Plus 係文章刊登時,賣價為 $2699,按這裡有更詳細規格及最新賣價

相關產品 (1)

相關報導 (3)

三星劈價潮第二彈!Moto G4 Plus 新低價,會抵玩過 HTC/LG 嗎?

三星劈價潮第二彈!Moto G4 Plus 新低價,會抵玩過 HTC/LG 嗎?

昨日版主同大家提過,大舖Promotor預言三星C5、C7的開賣,會帶動其他品牌中階機的劈價潮,如今終於應驗了!率先劈價的,是HTCOneX9以及Desire728,雖然劈價幅度不多,但有減始終好過無減。也許是連鎖效應,很快三星帶起的劈價潮第二彈就來了!劈價對象是MotoG4Plus,減完之後,又會抵玩過HTC、LG手機嗎?睇下文啦!

左定坤 (Cho Ting Kwan) | 2016-08-02
大芒版 HTC One A9? MOTO G4 Plus 呢個價吸引嗎?

大芒版 HTC One A9? MOTO G4 Plus 呢個價吸引嗎?

Motorola回歸香港!又回歸?對呀,今年二月傳出對上一個代理唔再賣Lenovo與Motorola。但之前版主Keith已爆過,已有代理接收呢兩個「好貨」。之前亦講過Lenovo已有新機推出。今次輸到Motorola。呢部MotoG4Plus嘅規格,我立即想起HTCOneA9!賣價都係差唔多!

Keith Yim | 2016-06-28
升值八百!換到八百價值?五點五吋芒 MOTO G4 Plus 一手評測

升值八百!換到八百價值?五點五吋芒 MOTO G4 Plus 一手評測

記得,上次ePrice.HK實測MotorolaMOTOGTurbo,當時嘅YK大大評語,以讚為主軸。無他嘅,有防水效能,又係當時最平嘅Android6.0手機,最重要賣價吸引,建議售價$1898!今日發佈MotoG4Plus,由之前嘅5吋HD芒,變為FHD大芒,當然其他規格都有升級,但賣價變為$2699!升呢八舊水!唔好睇少呢八舊水,原來去到呢個價位,先刪去全部大陸品牌,當MOTO還是真Motorola,對手都係好多!講多無謂

Keith Yim | 2016-06-28

最新新聞